रविन्द्र मिश्रलाई सर्वोच्च उपस्थित गराइयो, सुनुवाई भोलि हुने

काठमाडौँ । राष्ट्रिय प्रजातन्त्र पार्टीका वरिष्ठ उपाध्यक्ष रविन्द्र मिश्रलाई सार्वोच्च अदालत उपस्थित गराइएको छ । उनलाई शशरीर उपस्थित गराउनका लागि हिजो सर्वोच्च अदालतले आदेश दिएको थियो । 

Watch On

आज सर्वोच्च लैजादा भने मिश्रको हातमा हतकडी थिएन । उनलाई अदालतको प्रक्रिया सकेर परिसर फर्काइएको छ । उनको श्रीमतिले दायर गरेको बन्दी प्रत्यक्षीकरणको सुनुवाई भोलि हुने भएको छ । 

उनकी श्रीमती सारिका कार्कीले रिट दायर गरेको रिटमा बुधबार सुनुवाई गर्दै न्यायाधीश सुनिलकुमार पोखरेलको इजलासले  मिश्रलाई पक्राउ गर्नुको कारण पेस गर्न र स–शरीर उपस्थित गराउन समेत आदेश दिएको थियो । 

मिश्रमाथि प्रहरी राज्यविरुद्धको अपराध, संगठित अपराध र आपराधिक उपद्रव सम्बन्धी अभियोगमा काठमाडौँ प्रहरी परिसरले अनुसन्धान गरिरहेको छ।

मिश्रमाथि अनुसन्धान गर्न भन्दै जिल्ला अदालतले ८ पटकसम्म म्याद थप गरिसकेको छ ।