महरा बाबुछाेरामाथि अनुसन्धान थाल्न सरकारी वकिलकाे प्रहरीलाई निर्देशन

११ भदाै, काठमाडाै‌ । विद्युतिय चुरोट भेपमा लुकाएर ल्याईएको ९ किलो सुन प्रकरणमा नेकपा माओवादी केन्द्रका उपाध्यक्ष कृष्ण बहादुर महरा र उनका छोरा राहुल महरामाथि पनि अनुसन्धान हुने भएको छ । 

Watch On

संलग्न सबैमाथि अनुसन्धान कायम राख्ने निर्णय पहिले नै भएको जिल्ला सरकारी वकिल कार्यालयका काठमाडौंका प्रमुख सहन्यायाधिवक्ता अच्युतमणि पोखरेलले जानकारी दिए । उनले भने ‘अगाडि मुद्दा लैजादा नै दफा ३५ बमोजिम खुलिआएको र थप अनुसन्धान गर्नुपर्ने व्यहोरा स्पष्ट पारेका छौँ ।’

२०७९ पुस १० मा दुबईबाट भेपमा लुकाएर सुन ल्याउने दाओजिङ वाङसँग कृष्णबहादुर महरा र उनका छोरा राहुल महराको कनेक्सन देखिएको थियो । केन्द्रीय अनुसन्धान ब्यूरोले राहुल महरालाई योजनाकार भएको प्रतिवेदन सरकारी वकिलको कार्यालयलाई बुझाएको थियो । तर सरकारकी वकिलको कार्यालयले योजनकार किटान गरिएपनि बयान नलिएको कारण थप अनुसन्धान गर्र्नुपर्ने बताएको छ । 

सीआईबीकाे अनुसन्धानले सुन आयातकर्ता मध्ये कृष्ण बहादुर महरा र उनका छोरा राहुल महरा भएको देखाएपनि उनीहरुसँग सामान्य सोधपुछ पनि भएको छैन । 

तर केही दिनअघि ६० किलो सुन प्रकरणबारे छानबिन गर्न उच्चस्तरीय आयोग गठन गर्ने विषयमा दलहरुबिच भएको दुई बुँदे सहमतिमा यो प्ररकणमा पनि अनुसन्धान हुने उल्लेख गरिएको छ ।  

तस्करी गरेर ल्याउँदै गरेको सुन विमानस्थल भन्सार बाट चोरेर ९ करोडमा विक्री गर्ने ६ जना भने कारागार चलान भएका छन् ।