रास्वपाको ऐतिहासिक कदम: समानुपातिक उम्मेदवार छान्न सुरु भयो मतदान

सिधाकुरा

शनिबार, पुस १२, २०८२

रास्वपाको ऐतिहासिक कदम: समानुपातिक उम्मेदवार छान्न सुरु भयो मतदान

काठमाडौँ । राष्ट्रिय स्वतन्त्र पार्टी (रास्वपा) ले समानुपातिक उम्मेदवार छनोटका लागि आज बिहान ७ बजेदेखि आन्तरिक ‘प्राइमरी इलेक्सन’ सुरु गरेको छ । रास्वपाको मोबाइल एपमार्फत भोलि साँझ ७ बजेसम्म मतदान गर्न सकिने छ ।

निर्वाचन आयोगको नयाँ क्लस्टर अनुसार रास्वपाले ११० जनाको बन्दसूची तयार गर्न नेपालको राजनीतिक इतिहासमै पहिलो पटक आन्तरिक निर्वाचन गरिहेको छ ।

मतदानका लागि खस आर्य, आदिवासी जनजाति, मधेशी, दलित, थारु र मुस्लिम क्लस्टर छुट्याएर उम्मेदवारहरु समेटिएका छन् । तीमध्ये ५७ जना महिला उम्मेदवार अनिवार्य गर्दै छ।

मतदानका क्रममा हरेक क्लस्टरका कम्तीमा १० प्रतिशत उम्मेदवार छान्नुपर्नेछ भने अधिकतम ११० जनासम्म मतदान गर्न सकिनेछ ।

रास्वपाको मोवाइल एपबाट मतदान गर्दा ओटिपी प्रणाली प्रयोग भैरहेको छ । एक पटक लगिन गरेर मतदानको प्रक्रियामा छिरेपछि मोवाइलमा आएको ओटिपी तीन घण्टासम्म वैध रहने छ भने एक सदस्यले एक पटक मात्रै मतदान गर्न पाउने छन् ।
यो अभ्यासलाई नेपाली राजनीतिक दलहरूको आन्तरिक लोकतन्त्रमा ग्राउन्डब्रेकिङ कदमका रूपमा लिइएको छ । पुस ५ गतेसम्म नेपालभित्र वा बाहिरबाट पार्टी सदस्य बनेकाले मात्र मतदान गर्न पाउनेछन् ।

यसरी गर्न सकिन्छ रास्वपाका समानुपातिक उम्मेदवारलाई मतदान :

प्रकाशित मिति: शनिबार, पुस १२, २०८२

प्रतिक्रिया दिनुहोस्