रविको कानुनी लडाइँमा अनवरत खटिएकी प्रतिभा रावल रास्वपाको समानुपातिक उम्मेदवार आकांक्षी

काठमाडौँ । रास्वपाका समानुपातिक उम्मेदवार आकांक्षीबीच निर्वाचन जारी छ । आज बिहान ७ बजेबाट सुरु भएको अनलाइन मतदान आइतबार साँझ ७ बजेसम्म चल्ने छ । नेपालको इतिहासमै पहिलो पटक रास्वपाले समानुपातिक उम्मेदवार आन्तरिक निर्वाचनबाट छान्दै छ ।  

Watch On

समानुपातिक उम्मेदवारका लागि ३ सय ८९ जना निर्वाचनमा सहभागी भएका छन् । ३६ घण्टा चल्ने मतदानपछि उम्मेदवारले प्राप्त गर्ने मतका आधारमा आउने अंक र अन्य प्रक्रियाबाट प्राप्त गर्ने अंक जोडेर प्राप्त कुल अंकका आधारमा १ सय १० जना छनोट हुने छन् । 

समानुपातिक उम्मेदवारका लागि रास्वपाका वडा देखि केन्द्रीय तहसम्मका नेताहरु आकांक्षी देखिएका छन् । साथै प्रावसबाट पनि रास्वपाको समानुपातिक उम्मेदवारका लागि आकांक्षीहरु छन् । 

रास्वपाका सहप्रवक्ता समेत रहेकी प्रतिभा रावल समानुपातिक उम्मेदवारको आकांक्षी छिन् । पार्टी जिम्मेवारीसहित सभापति रवि लामिछानेको सचिवालय प्रमुख समेत रहेकी रावल लामिछानेको कानुनी प्रक्रियाका लागि पूर्णरुपमा खटिएकी रास्वपा नेता हुन् । रावलले  लामिछानेको सचिवालय व्यवस्थापन सँगै रास्वपाको जनसम्पर्क सुदृढीकरण र सार्वजनिक सरोकारका मुद्दाको पैरवीमा योगदान गर्दै आएकी छिन् ।

पार्टी सभापति रवि लामिछानेले उपप्रधान एवं गृहमन्त्रीको जिम्मेवारी सम्हाल्दा स्वकीय सचिवालय सदस्यको रूपमा रावलले मिटर ब्याज पीडितको न्याय,  विदेशमा अलपत्र नेपालीको उद्धार, अन्तर मन्त्रालय समन्वय, नीति(योजना निर्माण तथा कार्यान्वयनजस्ता कामको नेतृत्व गरिन्। उनले छोटो समयमा राज्य प्रशासनसम्बन्धी राम्रो ज्ञान र अनुभव हासिल गरेकी छन्।

रास्वपाका सभापति रवि लामिछानेमाथि राजनीतिक प्रतिशोधका आधारमा अनावश्यक मुद्दा लगाई बन्दी बनाइएपछि, लामिछानेको पक्षमा दृढतापूर्वक उभिएर कानुनी लडाइँ लड्ने नेतामध्ये एक हुन् । 
 नेतृत्व जोगाउन सके मात्र रास्वपा र यसले सुरु गरेको नयाँ राजनीतिक अभ्यास जोगिने उनको प्रष्ट बुझाइ छ। 

सुदूरपश्चिमको कञ्चनपुर जिल्लालाई प्रतिनिधित्व गर्ने रावलले त्रिभुवन विश्वविद्यालयबाट पत्रकारितामा स्नातक र भारतको चेन्नईस्थित एसियन कलेज अफ जर्नालिजमबाट प्रिन्ट मिडियामा 'Post Graduate Diploma' गरेकी छिन। उनीसँग पत्रकारिताको १४ वर्षे अनुभव छ। 

पत्रकारिताको यात्रामा उनले रिपब्लिका, हिमाल साउथ एसियन म्यागेजिन, साउथ एसिया चेकजस्ता संस्थाहरूसँग काम गरिन्। ग्यालेक्सी टेलिभिजनको ‘लालमोहर’ कार्यक्रमकी निर्मातासहित उनले रवि लामिछानेको सिधा कुरा कार्यक्रममा समेत विभिन्न भूमिका निर्वाह गरी भुईँ मान्छेलाई जोडेर पत्रकारिता गरेकी छन्। 

रवि लामिछानेको नेतृत्वमा रास्वपा गठन भएपछि राजनीतिमा होमिएकी रावल समाजमा रहेको अन्याय, बेथिति र विसङ्गतिको अन्त्य तथा विशेष गरी अपाङ्गता र विशेष क्षमता भएका बालबालिका एवं नागरिकको हकहित सुरक्षित गर्ने सवालमा देखिएको रिक्तताले पनि आफूलाई राजनीतिको मार्गमा ल्याएको बताउँछिन्।

रावलकी एकमात्र छोरी आहानालाई अटिजम छ। उनी बोल्न सक्दिनन्। ९ वर्षकी आहानालाई जीवनभर उनका बाबुआमाको निरन्तर सहयोग आवश्यक छ। रावल भन्छिन्स् 'यो पीडा र जिम्मेवारी केवल मेरो परिवारसम्म सीमित छैन। मेरी छोरीजस्तै विशेष आवश्यकता भएका बालबालिकाका अभिभावक बन्न सक्ने, उनीहरूको सम्मान, अधिकार र भविष्य सुनिश्चित गर्ने कल्याणकारी राज्य निर्माण गर्नु पनि मेरो राजनीतिमा आउनुको एक प्रमुख उद्देश्य हो।' 

जनकेन्द्रित इमानको राजनीतिले देश र नागरिकको अवस्था परिवर्तन हुनेमा विश्वस्त रहेकी रावललाई रास्वपाले नीति र कानून निर्माणको तहमा पुर्याउनु पर्छ।