मुख्य समाचार

मुस्ताङमा कोरला नाकाबाट भित्रिएको ठूलो परिमाणमा भेप बरामद

सिधाकुरा

सोमबार, पुस २८, २०८२

मुस्ताङमा कोरला नाकाबाट भित्रिएको ठूलो परिमाणमा भेप बरामद

काठमाडौँ । मुस्ताङमा कोरला नाकाबाट भित्रिएको ठूलो परिमाणको अवैध विद्युतीय चुरोट (भेप) बरामद भएको छ। नेपाल चीन नाकाबाट नेपालतर्फ प्रवेश गरेको भेपसहितको कन्टेनरलाई भर्खरै नियन्त्रणमा लिइएको जिल्ला प्रशासन कार्यालय मुस्ताङले जनाएको छ।

नियन्त्रणमा लिइएको कन्टेनरमा १६ हजार थान बढी भेप रहेको स्रोतले सिधाकुरालाई बतायो । कोरला नाकाबाट १४ किलोमटर नेपालतर्फ उपल्लो मुस्ताङ क्षेत्रबाट भेप बरामद गरिएको प्रशासनले जनाएको छ।

‘१६ हजार थान भेप सहित ना ६ ख ७५९१ नम्बरको कन्टेनरलाई नियन्त्रणमा लिइएको छ,’ जिल्ला प्रशासन कार्यालय स्रोतले सिधाकुरासँग भन्यो,‘अहिले मुचुल्काको काम भइरहेको छ।’

भेप तस्करीको सूचना पछि प्रशासन, भन्सार कार्यालय, जनपथ र सशस्त्र प्रहरीले चलाएको संयुक्त अप्रेसनमा उक्त मात्रामा भेप बरामद भएको जिल्ला प्रशासन कार्यालयले जनाएको छ।

जिल्ला प्रहरी कार्यालय मुस्ताङका सूचना अधिकारी प्रहरी निरीक्षक सन्तोष बस्यालले पनि भेप सहितको कन्टेनर बरामद गरिएको र अहिले मुचुल्का गर्ने काम भइरहेको सिधाकुरालाई बताए ।
‘संयुक्त अप्रेसनमा १६ हजार थान भेपसहितको कन्टेनर बरामद भएको छ,’ उनले भने,‘अहिले मुचुल्का भइरहेको छ ।’

प्रकाशित मिति: सोमबार, पुस २८, २०८२

प्रतिक्रिया दिनुहोस्

सिफारिस

रास्वपा नेताको खुलासा ‘झापामा बालेन आउँदा ओली भाग्छन्’

रवि-बालेन सहमतिको भित्री रहस्य

रवि-बालेन सहमतिमा दरारः भइसकेको सहमति तोडेर एकाएक बालेन पक्षले माग्यो पार्टीदेखि निर्वाचनमै प्रतिशतमा हिस्सा

रवि बालेन एकै ठाउँमाः रवि नेतृत्वमा रास्वपा, बालेन रास्वपाबाट प्रधानमन्त्रीको उम्मेदवार

रवि र बालेनले प्रधानमन्त्री पदबारे छलफल गरेका थिए ?

सिधाकुरा

The Reporter

Current Affairs

Sidhakura Investigation

थप मुख्य समाचार

कांग्रेस विशेष महाधिवेशन मङ्गलबारसम्म लम्बिने

विशेष महाधिवेशनमा कांग्रेसका महामन्त्रीद्वय गगनकुमार थापा र विश्वप्रकाश शर्माले प्रस्तुत गरेको प्रतिवेदनमाथि छलफल चलिरहँदा बन्दसत्रमा सो जानकारी दिइएको हो । विशेष महाधिवेशन आयोजक समितिका अनुसार मङ्गलबारको बन्दसत्रमा नेतृत्वलगायतका... सोमबार, पुस २८, २०८२