बजार

एकैदिन तोलामा ८ हजारले बढ्यो सुन

सिधाकुरा

बिहीबार, साउन २१, २०८३

काठमाडौं । नेपाली बजारमा सुनको मूल्यमा भारी वृद्धि भएको छ । एकैदिन प्रतितोला ८ हजार रुपैयाँ बढेसँगै छापावाल सुनको मूल्य २ लाख ९६ हजार रुपैयाँ पुगेको छ ।

नेपाल सुनचाँदी व्यवसायी महासंघका अनुसार बुधबार प्रतितोला २ लाख ८८ हजार रुपैयाँमा कारोबार भएको सुन बिहीबार ह्वात्तै महँगिएको हो ।

Watch On

पछिल्ला केही दिनयता सुनको मूल्य निरन्तर उतारचढावमा छ । बुधबार मात्रै सुनको मूल्य ४ हजार २०० रुपैयाँले बढेको थियो । त्यसअघि मंगलबार २०० रुपैयाँ घटेर प्रतितोला २ लाख ८३ हजार ८०० रुपैयाँमा झरेको थियो ।

सोमबार सुनको मूल्य ८०० रुपैयाँ बढेर २ लाख ८४ हजार रुपैयाँ पुगेको थियो भने आइतबार १ हजार ८०० रुपैयाँले घटेर प्रतितोला २ लाख ८३ हजार २०० रुपैयाँ कायम भएको थियो ।

यस्तै, चाँदीको मूल्य पनि बिहीबार बढेको छ । महासंघका अनुसार चाँदी प्रतितोला ९५ रुपैयाँले बढेर ४ हजार ५७० रुपैयाँमा कारोबार भइरहेको छ ।

बुधबार चाँदीको मूल्य ९५ रुपैयाँ बढेर ४ हजार ४७५ रुपैयाँ पुगेको थियो । मंगलबार ३० रुपैयाँले बढेर ४ हजार ३८० रुपैयाँ पुगेको चाँदी सोमबार ३५ रुपैयाँले वृद्धि भएर ४ हजार ३५० रुपैयाँमा कारोबार भएको थियो । आइतबार भने चाँदीको मूल्य ४५ रुपैयाँले घटेर प्रतितोला ४ हजार ३१५ रुपैयाँमा झरेको थियो ।

प्रकाशित मिति: बिहीबार, साउन २१, २०८३

प्रतिक्रिया दिनुहोस्