सबै कुरा

न्युरोडमा अटेरी गरी निषेधित क्षेत्रमा पार्क गरिएका मोटरसाइकल महानगर प्रहरीले उठायो (फाेटाे फिचर)

सिधाकुरा

मंगलबार, माघ ९, २०८०

न्युरोडमा अटेरी गरी निषेधित क्षेत्रमा पार्क गरिएका मोटरसाइकल महानगर प्रहरीले उठायो (फाेटाे फिचर)

काठमाडौँ । काठमाडौँ महानगरपालिकाले अटेरी गरी न्युरोडको पार्किङ निषेधित क्षेत्रमा पार्क गरिएका सवारी उठाउन थालेको छ । न्युरोडमा मंगलबारदेखि लागू भएको नो पार्किङ लेखिएको स्थानमा पार्क गरिएका सवारीलाई कारवाही गरिएको हो ।

काठमाडौँ महानगरपालिकाले न्युरोड क्षेत्रको सडकमा पार्किङ गर्न रोक लगाउने काठमाडौं महानगरपालिकाको निर्णयविरुद्ध व्यापारीहरु आन्दोलित भएका थिए ।

उनीहरुले पहिले पार्क गर्दै आएको स्थानमा सवारी पार्क गर्न पाउनुपर्ने माग राखेका थिए । साथै प्रदर्शनको क्रममा उनीहरुले आफूहरुले सवारी पार्किङ गर्दै आएको स्थानमा पार्किङ गर्न नछोड्ने अडान राखेका थिए । अहिले महानगरले निषेध गरिएको क्षेत्रमा पार्क गरिएका सवारी साधन उठाएको हो । बिहान पनि न्युरोड क्षेत्रमा पार्किङ गरिएका सवारी साधन महानगर प्रहरी टोलीले हटाएका थिए ।

महानगरले न्युरोडको पार्किङको विकल्पमा काठमाडौं टावरमा निःशुल्क पार्किङ सुविधा उपलब्ध गराइएको जानकारी दिएको छ । महानगर प्रहरी बलका प्रमुख राजुनाथ पाण्डेका अनुसार धर्मपथ, जुद्ध शालिकदेखि इन्द्रचोक, खिचापोखरी, महाबौद्ध, वीर अस्पताल लगायत क्षेत्रका सडकमा पार्किङ निषेध गरिएको छ । महानगरले न्युरोड क्षेत्रका सडकमा ‘नो पार्किङ’ लेखिएको संकेत चिह्न राखेको छ ।

प्रकाशित मिति: मंगलबार, माघ ९, २०८०

प्रतिक्रिया दिनुहोस्