समाज

लहानमा सार्वजनिक जग्गामा बनेका घर–टहरामा चल्यो डोजर (तस्बिरहरू)

सिधाकुरा

सोमबार, भदौ ८, २०८३

लहानमा सार्वजनिक जग्गामा बनेका घर–टहरामा चल्यो डोजर (तस्बिरहरू)

सिरहा । लहानको नयाँबजारस्थित सार्वजनिक जग्गामा बनाइएका घर–टहरामा डोजर चलेको छ ।

पटक–पटक सूचना जारी गर्दा पनि अटेर गरेको भन्दै लहान नगरपालिकाले सात वटा संरचना डोजर लगाएर भत्काएको हो ।

Watch On

नगरपालिकाले आइतबार डोजर चलाउँदा स्थानीय भने असन्तुष्ट छन् । सयौँ संरचना रहेको ठाउँमा आफूनिकटलाई संरक्षण गरेर सात वटामा मात्र डोजर चलाएको भन्दै स्थानीयले नगर प्रमुखमाथि पक्षपातको आरोप लगाएका छन् ।

Lahan-Naya-Gaun-After-Dozer_NPL_Suresh-Ray-(8)-1787570876.JPG

नगर प्रमुख महेशप्रसाद चौधरीले भने कसैलाई पक्षपात नगरेको र क्रमशः अरु संरचना पनि भत्काइने दाबी गरे । नगरपालिकाको करिब दुई बिघा जग्गामा तीनवटा भवन निर्माण गरी ७२ वटा कोठा तयार गरिएको र ती कोठा भाडामा दिएर नयाँबजारका व्यापारीलाई व्यवस्थापन गर्ने योजना रहेको उनले सुनाए ।

Lahan-Naya-Gaun-After-Dozer_NPL_Suresh-Ray-(5)-1787570910.JPG

लहान–५ स्थित लहान बजार (गुदरी हटिया) स्थित नेपाल खानेपानी संस्थान, लहानको प्रवेशद्वारदेखि पूर्व हनुमान मन्दिरसम्म गुदरी हटियाको जग्गामा बनाएको घर टहराहरुमा बसोबास गर्ने वा पसल गर्नेलाई तीन दिनभित्र ठाउँ खाली गर्न नगरपालिकाले सूचना जारी गरेको थियो ।

पीडित व्यापारीले घर–टहरा भत्काउँदा धनमालको क्षति भएको भन्दै उचित मूल्यांकन र क्षतिपूर्ति दिइनुपर्ने माग गरेका छन् ।

Lahan-Naya-Gaun-After-Dozer_NPL_Suresh-Ray-(11)-1787570965.JPG