न्युरोडको फुटपाथ विस्तार विरुद्ध स्थानीयको प्रदर्शन
काठमाडौँ । काठमाडौँ महानगरपालिकाले विस्तार गरिरहेको न्युरोडको फुटपाथको काममा स्थानीयले अवरोध गरेका छन् । मङ्गलबार सुरु भएको फुटपाथको काम रोक्न स्थानीयहरू शुक्रबार बिहानै देखि न्युरोड क्षेत्रमा विरोधमा उत्रिएका हुन् ।
स्थानीयले अवरोध सुरु गरेपछि अहिले त्यहाँ सुरक्षाकर्मीको तैनाथी बढाइएको छ । महानगरले क्षेत्राधिकार नाघेर फुटपाथ विस्तर थालेको भन्दै गत महिना सडक विभागले विस्तार थालिएको फुटपाथको सामान जफत गरेको थियो ।
फुटपाथ विस्तारमा महानगर र विभागको असमझदारी चर्किए पछि महानगर फुटपाथ विस्तार गर्न पाउनु पर्ने भन्दै उच्च अदालत पुगेको थियो । अदालतले फुटपाथ विस्तार गर्न पाउने अन्तरकालीन आदेश दिए पछि महानगरले अदालतको आदेश आए लगत्तै फुटपाथ विस्तार थालेको थियो ।
महानगरले फराकिलो फुटपाथ त्यस क्षेत्रमा चाहिएको दाबी गरिरहेको छ भने स्थानीयबासीले सडक सानो हुने र न्युरोडको व्यापारमा असर पुग्ने भन्दै सडक मासेर फुटपाथ विस्तार गर्न नदिने अडानमा छन् ।
भर्खरै
- असोज महिनामा मुस्ताङ भ्रमण गर्ने पर्यटकको संख्या ७५ हजार बढी
- प्रहरी कार्यालय पुनर्निर्माण गर्न १० लाख सहयोग
- कानून भन्दा माथि बस्ने छुट ओलीलाई छैनः गृहमन्त्री अर्याल
- मोटरसाइकल दुर्घटनामा एक किशोरको मृत्यु
- विश्वविद्यालयको कुलपति प्रधानमन्त्री हुने व्यवस्थालाई हटाउनुपर्छः शिक्षामन्त्री पुन
- विपिन जोशीको पार्थिव शरीरमा प्रधानमन्त्रीले श्रद्धान्जली अर्पण गर्दै(तस्बिरहरु)
- नेपाल ल्याइयो विपिन जोशीको पार्थिव शरीर
- माओवादी केन्द्रको सचिवालयबाट बाहिरिन दाहाल, पार्टीमा आजीवन क्रियाशील रहने उद्घोष
