सांसद ढकालको आक्रोशः यो देश केपी ओली र भाउजुहरुको मात्रै होइन, तोसिमा र सोविताको पनि !

काठमाडौँ । राष्ट्रिय स्वतन्त्र पार्टी (रास्वपा) का केन्द्रीय सदस्य एवं प्रतिनिधि सभा सदस्य हरि ढकालले सडकमा रास्वपाका शुभेच्छुकहरुले सुशासनको नारा घन्काउन थालेपछि बालुवाटारका भित्ताहरू काम्न थालेको बताएका छन् । सभापति पक्राउको विरोधमा पोखरामा आयोजित विरोध सभामा बोल्दै ढकालले ३४ वर्षसम्म अवैध चन्दा असुली गरेर कार्यकर्ता पाल्न पल्केकाहरु युवा जागृत हुन थालेपछि थर्कमान भएको बताए । उनले देश लुटेर टाट पल्टाएका नेताविरुद्ध युवाहरु जाग्न थालेपछि त्रासले  सभापति रवि लामिछानेलाई पक्राउ गरेको बताए । 

Watch On

उनले भने ‘३४ वर्षसम्म यो देश लुटेर टाट पल्टाएकाहरूले आज युवा जागेका थिए, ०८४ सम्म सम्झेर निदाउनै छाडेको उपज हो आजको दिन,’। 

सांसद ढकालले यो देश प्रधानमन्त्री केपी शर्मा ओली र भाउजुहरुको मात्रै नभएको भन्दै राज्यसत्ताको चरम दुरुपयोग गरेर सभापतिलाई गिरफ्तार गरिएकोमा भत्र्सना गरे । उनले भने ‘राज्यसत्ताको चरम दुरुपयोग गरेर जसरी गिरफ्तारी गरिएको छ, त्यसको घोर निन्दा र भत्र्सना गर्न चाहन्छु। यो देश केपी ओलीको मात्रै होइन, यो देश भाउजुहरूको मात्रै होइन, तोसिमा र सोविताको पनि हो,’ ढकालले भने, ‘यो देश २९ वर्ष पहिला प्रधानमन्त्री बनेर ५ पटक प्रधानमन्त्री बनिसकेपछि राज्य दहन गरेर छैटौँ पटक प्रधानमन्त्री बन्नका लागि लर्याङलर्याङ गर्नेको मात्रै होइन। मनिष झाहरूको पनि यो देश हो।’