सबै कुरा

सरकारी वकिलको बार्दलीबाट रविले भने, ‘थुनामा राख्दैमा बाघ स्याल हुँदैन’

सिधाकुरा

मंगलबार, कात्तिक २७, २०८१

काठमाडौँ । राष्ट्रिय स्वतन्त्र पार्टीका सभापति तथा पूर्वउपप्रधान एवं गृहमन्त्री रवि लामिछानेले थुनामा राख्दैमा बाघ स्याल नहुने प्रतिक्रिया दिएका छन् । रुपन्देही जिल्ला सरकारकी वकिलको कार्यालयबाट उनले यस्तो प्रतिक्रिया दिएका हुन् ।

Watch On

लामिछानेलाई आज १२ बजे जहाजमार्फत कास्कीबाट रुपन्देही लगिएको थियो । बुटवलमा रहेको सुप्रिम सहकारीको रकम अपचलनमा अनुसन्धान गर्न प्रहरीले उनलाई रुपन्देही लगेको हो । उनलाई भैरहवा पुर्याउनु अगावैदेखि विमानस्थल गेट बाहिर रास्वपाका नेता–कार्यकर्ताले प्रदर्शन गरेका थिए ।

विमानस्थलबाट लामिछानेलाई बयानका लागि जिल्ला सरकारी वकिलको कार्यालय रुपन्देही लगिएको थियो । उनलाई कार्यालयमा लैजादै गर्दा सुरक्षा व्यवस्था निकै कडा पारिएको थियो ।

दिनभर सरकारी वकिलको कार्यालयमा लामिछानेको बयान लिइयो । उनले भित्र बयान दिदै गर्दा बाहिर सञ्चारकर्मी तथा समर्थकहरु उनको पर्खाइमा थिए । केहीले नारा लगाईरहेको थिए । ‘नडराउ रवि दाई जनता तिम्रो साथमा छन्’ भन्दै नारा लगाउँदै सार्थकहरु रवि लामिछानेको पर्खाइमा थिए ।

करिब ५ बजे बयान सकियो । रवि लामिछनेलाई सरकारी वकिलको कार्यालयको पहिलो तलाको कोठाबाट बार्दलीमा ल्याइयो । तलबाट समर्थकहरुले रवि दाई डन्ट वरी भन्दै हौसला प्रदान गरिरहेका थिए । बार्दलीबाट रवि लामिछानेले ‘थम्स अप’ गर्दै मुस्कानका साथ भने, ‘थुनामा राख्दैमा बाघ स्याल हुँदैन ।’

त्यहाँ उनले थप केही बोल्न खोजेका थिए । तर प्रहरीले बोल्न दिएनन् । उनको हात समातेर प्रहरीले उनलाई अघि बढाए र जिल्ला प्रहरी कार्यालयतर्फ लगे ।

प्रकाशित मिति: मंगलबार, कात्तिक २७, २०८१

प्रतिक्रिया दिनुहोस्