सबै कुरा

जापानमा मानव तस्करी प्रकरण : एमालेका पूर्वमन्त्री अधिकारीविरुद्ध मुद्दा नचलाउने निर्णय

सिधाकुरा

सोमबार, मंसिर १०, २०८१

जापानमा मानव तस्करी प्रकरण : एमालेका पूर्वमन्त्री अधिकारीविरुद्ध मुद्दा नचलाउने निर्णय

काठमाडाैँ । जापानमा मानव तस्करीका अभियुक्त एमाले कोशीका पूर्वमन्त्री लिलाबल्लभ अधिकारीविरुद्ध मुद्दा नचलाउने निर्णय भएको छ । जिल्ला सरकारी वकिल कार्यालय काठमाडौँले अधिकारीविरुद्ध मुद्दा नचलाउने निर्णय गरेको हो ।

जापानमा मानव तस्करी आरोपमा पक्राउ परेर जिल्ला प्रहरी परिसरमा अनुसन्धानका लागि हिरासतमा रहेका उनीविरुद्ध मुद्दा नलाउने निर्णय भएको हो । सो प्रकरणमा अनुसन्धान गरेर जिल्ला प्रहरी परिसर काठमाडौँले अधिकारीलाई प्रतिवादी बनाउन राय दिएपनि जिल्ला सरकारी वकिल कार्यालयले उनको संलग्नता नदेखिएको बताउँदै मुद्दा नचलाउने निर्णय गरेको हो ।

नक्कली कागजात बनाई जापान छिर्न खोजेपछि जापानको अध्यागमनले मन्त्री सहित ४ जनालाई डिपोर्ट गरेको थियो । कात्तिक १७ गते नेपाल फर्किएका मन्त्रीसहित ४ जनामध्ये ३ जना सोही दिन पक्राउ परे भने अन्य थप ३ जनालाई पनि पक्राउ गरेर प्रहरीको अपराध अनुसन्धान कार्यालयले प्रहरी परिसर काठमाडौँलाई बुझाएको थियो । मन्त्री अधिकारी आरोपबाट बच्न २१ कात्तिकमा राजीनामा बुझाएर बसेका थिए । समाचार तथा सामाजिक संजालमा सरकारको तिव्र आलोचना भएपछि बल्ल उनी माथि अनुसन्धान सुरु भएको थियो ।

प्रकाशित मिति: सोमबार, मंसिर १०, २०८१

प्रतिक्रिया दिनुहोस्