सबै कुरा

जीबीसहित १९ जनाविरुद्ध कास्की अदालतमा मुद्दा दर्ता

सिधाकुरा

शुक्रबार, पुस ५, २०८१

जीबीसहित १९ जनाविरुद्ध कास्की अदालतमा मुद्दा दर्ता

पोखरा । सरकारी वकिल कार्यालय कास्कीले सूर्यदर्शन सहकारी ठगीमा संलग्न १९ जनाविरुद्ध थप अभियोग दर्ता भएको छ ।

Watch On

यस अघि सहकारी ठगी मुद्दा चलाइएका जीबी राईसहित १९ जनाविरुद्ध थप अभियोग दर्ता भएको कास्की जिल्ला अदालतले जनाएको छ । अदालतका निमित्त श्रेस्तेदार खेमनारायण लामिछानेका अनुसार उनीहरु माथि थप ४० करोड २० लाख ७६ हजार १४९ रुपैयाँ बिगो जोडिएको छ ।

जिबि राई सहित उनका दाजु भूपेन्द्र राई, वर्तमान अध्यक्ष थानबहादुर बुढा, सञ्चालक समितिका उपाध्यक्ष कैलाशकुमार दर्लामी, सचिव धीरजकुमार दास, कोषाध्यक्ष कुमार रम्तेल, सदस्यहरू हेमन्त अधिकारी, कविता तामाङ र प्रमोद भट्टराईका विरुद्ध थप अभियोग दर्ता गरेको हो ।

यस्तै पूर्वसचिव अनुज नकर्मी र सुरज श्रेष्ठ, सञ्चालक सदस्यहरू शिवबहादुर गुरुङ, भविश्वर अर्याल र आइस्मा गुरुङ, लेखा समितिका संयोजक सागर केसी, सदस्य दिनेश रोका र ललिता तामाङ, लेखा अधिकृत सृष्टि मानन्धर, कर्जा अधिकृत बुद्धि गुरुङविरुद्ध पनि थप अभियोग दर्ता भएको छ ।

यहि सहकारी प्रकरणमा हिरासतमा रहेको रास्वपा सभापति रवि लामिछाने, छवि जोशी लगायत ५ जनाका विरुद्ध भने आइतबार अभियोग दर्ता गर्न सरकारी वकिलको कार्यालय कास्कीले जनाएको छ ।

प्रकाशित मिति: शुक्रबार, पुस ५, २०८१

प्रतिक्रिया दिनुहोस्