इसेवामा समस्यानै समस्या, हप्तामै ३ पटक सेवा अवरुद्ध

काठमाडाैँ । भुक्तानी सेवा प्रदायक इसेवामा आजपनि समस्या देखिएको छ । कम्पनीले सामाजिक सञ्जाल फेसबुकमा एक सूचना जारी गर्दै समस्या आएको जानकारी गराएको हो ।

Watch On

इसेवाले सार्वजनिक गरेको सूचनामा प्राविधिक कठिनाई आएको उल्लेख गरेको छ । “प्राविधिक कठिनाइहरूको कारण इसेवाका सेवाहरू केही समयको लागि अस्थायी रूपमा अवरुद्ध भएको यो सूचना मार्फत जानकारी गराउँदछौं ।’’, इसेवाले भनेको छ । 

त्यस्तै समस्या समाधानमा आफ्ना प्राविधिक टोली पनि लागिरहेको जनाउँदै सेवा अवरुद्ध हुँदा ग्राहकले भोग्नुपरेको असुविधाका लागि माफी समेत मागेको छ । ‘‘हाम्रो प्राविधिक टोली चाँडो भन्दा चाँडो यसको समाधान गर्न सक्रिय रूपमा लागि परेको छ । यसबाट पर्न जाने असुविधाको लागि हामी क्षमाप्रार्थी छौं र यस समयमा तपाईँको धैर्य र सहयोगको अपेक्षा गर्दैछौं ।” सूचनामा भनिएको छ । 

कम्पनीले आफूहरुको सेवामा समस्या आएको भन्दै सूचना निकालेपनि यो इसेवाको पहिलोपटक देखा परेको समस्या भने हैन । 

इसेवामा पछिल्लो पटक गत मंगलबार पनि समस्या देखा परेको थियो । त्यो बेला समेत कम्पनीले प्राविधिक समस्या देखाउँदै माफी मागेको थियो । 

त्यस्तै कम्पनीले गत शनिबार समेत एक सूचना जारी गर्दै आइतबार ५ घण्टाका लागि सेवा अवरुद्ध हुने जनाएको थियो । 

यी त पछिल्लो एक हप्ताको बिचमा इसेवामा देखिएका समस्याका प्रतिनिधि उदाहरण मात्र हुन् । पछिल्ला दिनमा इसेवाको समस्या दिनहुँजसो देखा पर्न थालेको छ । 

कम्पनीको सेवा अवरुद्ध हुँदा प्रयोगकर्ताहरु मारमा पर्ने गरेका छन् तर कम्पनीले भने क्षमा मागेर उम्किने गरेको छ । 

एफवान सफ्टको खाताको साढे ३ करोड रुपैयाँ हुण्डीको रकम तिर्न प्रयोग, तीन महिना देखि घटना गुपचुप

अन्तर्राष्ट्रिय हवाइ टिकटमा इसेवाको लापरवाही : यात्रुलाई जानकारी नदिई टिकट क्यान्सिल, पैसा फिर्ता माग्दा उल्टै धम्की(भिडियो)