सबै कुरा

यी हुन् रास्वपाको आज बसेको सचिवालय बैठकले गरेका निर्णय

सिधाकुरा

शुक्रबार, पुस १२, २०८१

यी हुन् रास्वपाको आज बसेको सचिवालय बैठकले गरेका निर्णय

काठमाडौँ । राष्ट्रिय स्वतन्त्र पार्टी (रास्वपा) को शुक्रबार बसेको सचिवालय बैठक सकिएको छ । पार्टी कार्यालय बनस्थलीमा बसेको बैठकले पार्टीको विस्तारित केन्द्रिय समितिको बैठक बोलाउने देखि समसामयिक राजनीतिक परिवेशको समिक्षा र पार्टीका विभिन्न समितिमा मनोनयन गरेको छ ।

Watch On

पार्टीका कार्यवाहक प्रवक्ता मनिष झाकाअनुसार आजको बैठकमा कार्यबाहक सभापति डीपि अर्याल र उपसभापति डा।स्वर्णिम वाग्लेले वर्तमान राजनीतिक परिस्थितिको समीक्षा गरेका थिए ।

यस्तै,कार्यबाहक महामन्त्री कबिन्द्र बुर्लाकोटीले पार्टीको ६० जिल्लाको जिल्ला भेला सकिएको प्रतिवेदन पेश गरेका थिए। प्रवक्ता झाकाअनुसार आजको बैठकले पार्टीको केन्द्रिय समितिको विस्तारित बैठक पुष १९, २० र २१ गतेका लागि बोलाउने निर्णय गरेको छ । यस्तै, रिक्त पार्टीको अनुशासन आयोगमा नवलपरासीका अधिवक्ता कमल प्रसाद पोखरेल र ताप्लेजुङकाहरिचन्द्र भट्टराईलाई नियुक्त गरिएको छ ।

यस्तै, पार्टीको केन्द्रिय संगठन विभागमा ताप्लेजुङकै धर्म केसी, रुपन्देहीका गोपाल घिमिरे र सिरहाका डा।विमल तिवारीलाई मनोनयन गरिएको सो पार्टीले जनाएको छ । डोल प्रसाद अर्यालले कार्यवाहक सभापतिको जिम्मेवारी पाएपछि सो पार्टीको पहिलो सचिवालय बैठक बसेको हो ।

प्रकाशित मिति: शुक्रबार, पुस १२, २०८१

प्रतिक्रिया दिनुहोस्