एआईजी किरण बज्रचार्यको बिदाई, मंगलबारबाट अनिवार्य अवकाशमा जाँदै

काठमाडाैँ । काठमाडौँ उपत्यका प्रहरी कार्यालय रानीपोखरीकी प्रमुख एआईजी किरण बज्रचार्यको बिदाई गरिएको छ । प्रहरीको उमेर हदम्याद पूरा हुने भएपछि उनको बिदाई भएको हो । 

Watch On

एआईजीको ५६ वर्षे उमेर हदका कारण बज्राचार्य भोली अर्थात मंगलबारबाट अनिवार्य अवकाशमा जाँदै छिन् । अवकाशमा जानुपूर्व सोमबारउनी कार्यरत काठमाडौँ उपत्यका प्रहरी कार्यालय रानीपोखरीमा एक कार्यक्रमका बिच बिदाई गरिएको हो । 

२०५२ सालबाट प्रहरी निरिक्षक पदबाट सेवा सुुरु गरेकी बज्राचार्यले एसएसपी हुँदा जिल्ला प्रहरी परिसर ललितपुरको प्रमुखको जिम्मेवारी सम्हालेकी थिइन् । त्यस्तै डिआईजी हुँदा उनी बागमति प्रदेश प्रमुख तथा प्रबन्ध महाशाखाको जिम्मेवारीमा थिइन् । उनले त्यसअघि नै केन्द्रीय अनुसन्धान ब्यूरो सीआईबी, जिल्ला प्रहरी परिसर भक्तपुर लगायत ठाउँमा बसेर काम गरेकी छिन् । 

२०७५ सालमा अमेरिकी विदेश मन्त्रालयले बज्राचार्यलाई मानव बेचबिखन विरुद्धको वर्ष हिरो घोषणा गरेको थियो । नेपाल प्रहरीको केन्द्रीय अनुसन्धान ब्यूरो सीआईबीमा रहँदा करिब दुई वर्ष सङ्गठित मानव तस्कर समूहलाई पक्राउ गर्न सफल भएको र भक्तपुर प्रहरी परिसरमा रहँदा पनि मानव बेचबिखनविरुद्ध चलाएको जनचेतनामूलक अभियानको प्रशंसा गर्दै उनलाई अमेरिकी विदेश मन्त्रालयले वर्ष हिरो घोषणा समेत गरेको थियो ।