यौन दुर्व्यवहार आरोपित नेपाल स्काउटका आयुक्त आशिर्वाद सुवेदी जिम्मेवारीबाट हटाइए
काठमाडाैँ । विदेशी महिलालाई यौन दुर्व्यवहार गरेको आरोप लागेका नेपाल स्काउटका केन्द्रीय आयुक्त कारबाहीमा परेका छन् । नेकपा एमाले निकट विद्यार्थी सङ्गठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) का सचिव समेत रहेका आर्शिवाद सुवेदीलाई नेपाल सरकार युवा तथा खेलकुद मन्त्रालयले जिम्मेवारीबाट हटाएको हो ।
Watch On
नेपाल स्काउटका प्रमुख स्काउटसमेत रहेका युवा तथा खेलकुद मन्त्री तेलुलाल चौधरीले पुष ११ मा सुवेदीलाई जिम्मेवारीबाट हटाइएको जानकारी गराएका छन् । सुवेदी असोज २८ देखि कात्तिक ९ गतेसम्म ताइवानमा आयोजित स्काउटको एशिया प्यासिफिक क्षेत्रीय कार्यशालामा सहभागी भएको र सो क्रममा उनले एक विदशी महिलालाई यौन दुर्व्यवहार गरेको विषय बाहिरिएको थियो । सो कार्यक्रममा सुवेदीले आफ्नो शरीरका संवेदनशिल अङ्गहरू जबरजस्ती छुन प्रयास गरेको भन्दै एक महिलाले विश्व स्काउटमा लिखित उजुरी गरेकी थिइन् ।
नेपाल स्काउटका आयुक्त एवम् एमाले निकट अनेरास्ववियुका केन्द्रीय सचिवमाथि यौन दुर्व्यवहारको आरोप
स्काउटको दक्षिण एशियाली क्षेत्रीय कार्यालय (एपीआर) मार्फत नेपाल स्काउटमा सो घटना छानबिनका लागि पत्र काटेपछि घटना बाहिरिएको थियो। सो विषय छानबिनका लागि तीन सदस्यीय छानबिन समिति समेत बनाएर छानबिन गरिएको थियो ।
नेपाल स्काउटका निर्देशकको संयोजकत्वमा बनेको सो समितिले सुवेदीको बयानसहितको छानबिन प्रतिवेदन विश्व स्काउट प्रशान्त क्षेत्रीय कार्यालयलाई पठाएको थियो ।
विश्व स्काउट प्रशान्त क्षेत्रीय कार्यालयले समेत सो प्रतिवेदन अध्ययन गरेर नेपाल स्काउट कार्यालयलाई उक्त घटनाप्रति संवेदनशील रहन र छानबिन प्रक्रियालाई बन्द नगर्न राय दिएको थियो । विश्व स्काउटको सो पत्रपश्चात नेपाल स्काउटले कानुनी सल्लाह र राय लिँदा आर्शिवाद सुवेदीले नेपाल स्काउट ऐन २०५० को दफा १८ को देहाय २(क) र सोही नियमावलीको नियम २९ बमोजिम स्काउट आचारसंहिताको गम्भिर उल्लङ्घन गरेको भन्दै जिम्मेवारीबाट हटाएको हो ।
सुवेदीलाई नेपाल स्काउटको राष्ट्रिय कार्यसमितिको सदस्य पदबाट हटाइएको मन्त्री चौधरीले जनाएका छन् ।
नेपाल स्काउटका आयुक्त एवम् एमाले निकट अनेरास्ववियुका केन्द्रीय सचिवमाथि यौन दुर्व्यवहारको आरोप
-1791531305.jpeg)
-1791211018.jpg)
-1791121106.JPG)
-1790783650.jpg)
तीन हजार ५८५ यात्रुलाई प्रहरी र सशस्त्रको निःशुल्क बस सेवा
प्रहरी प्रधान कार्यालयका अनुसार तीनवटा सवारीसाधनमार्फत कात्तिक ३ गते ५१० र कात्तिक ४ गते ८९६ गरी एक हजार ४०६ यात्रुले निःशुल्क यात्रा सुविधा लिएका छन् । बिहीबार, कात्तिक ५, २०८३
मोटरसाइकल दुर्घटनामा दुई जनाको मृत्यु
भूमिकास्थान नगरपालिका २, भूमेकाथानमा लु ६४ प ७४७१ नम्बरको मोटरसाइकल गए राति दुर्घटना हुँदा दुई जनाको घटनास्थलमै मृत्यु भएको हो । बिहीबार, कात्तिक ५, २०८३
आज कहाँकहाँ छ वर्षा र हिमपातको सम्भावना?
पश्चिमी वायुको आंशिक प्रभाव रहे पनि आगामी तीन दिन देशका अधिकांश स्थानमा मौसम मुख्यतया सफा रहने भएको छ । बिहीबार, कात्तिक ५, २०८३-1792638252.jpg)
नेपालका सरकारी वेबसाइट किन चलेका छैनन्? एआईले पत्ता लगायो सुरक्षा कमजोरी
इन्टरनेटमा व्यापक रूपमा प्रयोग हुने प्रोग्रामिङ भाषा पिएसपीमा दुई गम्भीर साइबर सुरक्षा कमजोरी फेला परेपछि नेपालसहित विभिन्न देशका सरकारी वेबसाइट तथा सार्वजनिक वेब सेवा प्रभावित भएका छन्। नेपालका... बिहीबार, कात्तिक ५, २०८३भर्खरै
- तीन हजार ५८५ यात्रुलाई प्रहरी र सशस्त्रको निःशुल्क बस सेवा
- मोटरसाइकल दुर्घटनामा दुई जनाको मृत्यु
- आज कहाँकहाँ छ वर्षा र हिमपातको सम्भावना?
- एनपिएलमा कर्णाली याक्सले अनुबन्ध गर्यो पाकिस्तानी अलराउन्डर हुसेन तलाट
- विश्वकप छनोट प्लेअफ नेपालमा हुने
- नेपालका सरकारी वेबसाइट किन चलेका छैनन्? एआईले पत्ता लगायो सुरक्षा कमजोरी
- बाँकेको अम्बे स्टिल उद्योगमा आगलागी, एक करोड ५६ लाखको क्षति
- बिर्तामोडको बडी ग्यारेजमा आगलागी हुँदा एक जनाको मृत्यु
