टी–२० विश्वकप एसिया क्षेत्र छनोट : सिंगापुरविरुद्ध नेपालकाे सानदार जीत

आईसीसी टी–२० विश्वकप एसिया क्षेत्र छनोटअन्तर्गत सोमबार कीर्तिपुरस्थित त्रिभुवन विश्वविद्यालयको क्रिकेट मैदानमा भएको सिंगापुरविरुद्धको खेलमा नेपालले सानदार जीत हात पारेको छ । 

टस जितेर ब्याटिङ गरेको सिगांपुरले निर्धारित २० ओभरमा ९ विकेटको क्षतिमा नेपाललाई १ सय ४६ रनको टार्गेट दिएको थियो । सिंगापुरले दिएको टार्गेट १६.३ ओभरमा पूरा गर्दै नेपालले ८ विकेटले जीत हात पारेको हो । 

सिंगापुरविरुद्धको खेलमा नेपालले २ विकेट मात्र गुमाएको छ । सिंगापुरका तर्फबाट ९.१ ओभरमा अक्षय रुपक पुरीको बलमा आसिफ शेख आउट भएका हुन् । उनी आउट भएसँगै कुशल र आसिफको ८४ रनको साझेदारी ब्रेक भएको थियो। उनी २७ रन जोडेर आउट भएका थिए । त्यस्तै १६.२ ओभरमा अनन्थ कृष्णको बलमा कुशल भुर्तेल आउट भएका हुन् ।

नेपालका ओपनर समेत रहेका कुशल भुर्तेलले सिंगापुरविरुद्ध अर्धशतक प्रहार गरेका छन् । उनले २६ बलमा ६ चौका र दुई छक्काको मद्दतले अर्धशतक पूरा गरेका थिए ।

सिंगापुरविरुद्धको खेलमा ९ विकेट लिएकाे नेपालका लागि अविनाश बोहोराले १९.३ ओभरमा नवौँ , १७.४ ओभरमा अनन्थ कृष्णलाई आउट गराउँदै आठाैँ र १७.२ ओभरमा थिलिप ओममदुराई थिलापनलाई आउट गराउँदै सातौँ गरी ३ विकेट दिलाएका थिए। 

त्यस्तै करण केसीले १६.३ ओभरमा मनप्रित सिंहलाई आउट गराउँदै छैटौँ विकेट दिलाएका थिए । त्यस्तै उनले पहिलो ओभरको दोस्रो बलमा नै ओपनर आरित्रा दत्तालाई बोल्ड आउट गराउँदै पहिलो विकेट लिएका थिए । 

पूर्वकप्तानसमेत रहेका सन्दीप लामिछानेले ६.५ओभरमा सुरेन्द्रन चन्द्रमोहनलाई आउट गराउँदै दोस्रो र १०.१ ओभरमा जनक प्रकाशलाई आउट गराउँदै पाचौँ विकेट दिलाएका थिए ।

त्यस्तै गुल्सन झाले ७.१ ओभरमा रोहन रेन्गाराजनलाई आउट गराउँदै तेस्रो र ७.५ ओभरमा चौथो विकेट दिलाएका थिए ।  

सोमबार सिंगापुरसँग खेलेको नेपालले मंगलबार कीर्तिपुरमै मलेसियासँग दोस्रो खेल खेल्नेछ भने बिहीबार ओमानसँग त्यही मैदानमा समूहको अन्तिम खेलमा प्रतिस्पर्धा गर्नेछ ।