समाज

‘सभापति देउवा ५ पटक प्रधानमन्त्री बन्नुभयो, अझै बन्न सक्नुहुन्छ, रिस गरेर हुन्छ ?’ – धनराज गुरुङ

सिधाकुरा

शनिबार, जेठ १०, २०८२

‘सभापति देउवा ५ पटक प्रधानमन्त्री बन्नुभयो, अझै बन्न सक्नुहुन्छ, रिस गरेर हुन्छ ?’ – धनराज गुरुङ

काठमाडाैँ । नेपाली कांग्रेसका उपसभापति कार्यक्रममा कांग्रेस उपसभापति धनराज गुरुङले कांग्रेस सभापति शेरबहादुर देउवाले धेरै उतारचढाव खेप्नुपरेको बताएका छन् । त्यसकारण पाँच पटक प्रधानमन्त्री बन्यो भनेर रिस गर्न नहुने उनको भनाई छ ।

Watch On

‘आज हाम्रो सभापतिज्यू, पूर्वप्रधानमन्त्रीज्यू, यो राजनीतिक यात्राको क्रममा अविरल ढंगबाट यात्रा गर्दा उहाँले खप्नुभएको उतारचढाव व्याख्या गर्न आवश्यक पर्दैन। रिस गरेर हुन्छ, पाँच पटक प्रधानमन्त्री बन्नुभयो। अझै बन्न सक्नुहुन्छ नि ६ पटक, सात पटक।’

शनिबार काठमाडौंमा काङ्ग्रेसका नेता तथा स्याङ्जाका पुर्व सभापति एवं पुर्व सांसद स्वर्गीय खगेन्द्र राज रेग्मीको प्रथम स्मृतिसभालाई सम्बोधन गर्दै उपसभापति गुरुङले यस्तो बताएका हुन् ।

त्यस्तै उनले राजनीतिमा लागेका व्यक्तिले प्रतिफलको आश गर्न नहुने भन्दै राजनीति त्याग र निरन्तर यात्रा भएको बताएका छन् । राजनीतिक यात्रामा धेरै अवरोध आउने भएकाले त्यसलाई छिचोल्दै अघि बढ्न सक्नुपर्ने उनले बताए ।

कार्यक्रममा कांग्रेसका अन्य नेताहरुले मुलुकलाई अघि बढाउनका लागि अग्रज नेताहरुले गरेको योगदानलाई स्मरण गर्दै अघि बढ्नुपर्नेमा जोड दिएका थिए ।

प्रकाशित मिति: शनिबार, जेठ १०, २०८२

प्रतिक्रिया दिनुहोस्