भ्रष्टाचार मुद्दा दर्ता भएपछि प्रदीप परियारको स्टाटसः ‘अदालतबाट न्याय प्राप्त हुनेछ भन्नेमा विश्वास छ’

काठमाडौँ । सहसचिव प्रदीप परियारले पेशागत जीवनमा सधैं उच्च नैतिक मूल्य र उत्तरदायित्वका साथ काम गरेको बताएका छन् । अख्तियार दुरुपयोग अनुसन्धान आयोगले उनीविरुद्ध भ्रष्टाचार मुद्दा दायर गरेपछि उनले सामाजिक सञ्जालमार्फत अभिव्यक्ति हुन् । 

Watch On

उनले अहिले आफूमाथि उठेको प्रश्नको बारेमा विधिसम्मत तरिकाले सामना गर्ने बताएका हुन् । उनले अदालतली प्रक्रियालाई सममान गर्ने र न्याय प्राप्त हुनेछ भन्नेमा मलाई पूर्ण विश्वास रहेको बताएका छन् । उनले लेखेका छन्, ‘मैले मेरो पेशागत जीवनमा सधैं उच्च नैतिक मूल्य र उत्तरदायित्वका साथ काम गरेको छु। अहिले प्रश्न उठेकाले मैले अदालती  प्रक्रियाको सम्मान गर्दै सोको विधिसम्मत रूपमा सामना गर्नेछु। सम्मानित अदालतबाट न्याय प्राप्त हुनेछ भन्नेमा मलाई पूर्ण विश्वास छ।’ 

काठमाडौं महानगरपालिकाको सामाखुसी कोरिडोर अन्तर्गत बसुन्धरा देखि म्हेपीसम्मको ढल निर्माणको ठेक्का प्रक्रियामा भ्रष्टाचार भएको आरोपमा महानगरका तत्कालीन प्रमुख प्रशासकीय अधिकृत प्रदीप परियारसहित ७ जनाविरुद्ध भ्रष्टाचार मुद्दा दायर भएको छ । 

काठमाडौँ महानगरपालिकाका तत्कालीन प्रमुख प्रशासकीय अधिकृत प्रदीप परियार, बोलपत्र मूल्याङ्कन समितिका पदाधिकारीहरु निर्देशक रवीनमान श्रेष्ठ, निर्देशक शिवराज अधिकारी, निर्देशक बसन्त आचार्य, निर्देशक नमराज ढकाल, इन्जिनियर जनार्दन गिरी र खरिद एकाईका सहायक निर्देशक उत्तम दाहालविरुद्ध भ्रष्टाचार मुद्दा दायर गरेको हो । उनीहरुले मिलेमतोमा ठेक्काको मूल्याङ्कन प्रक्रियामा मनपरी मूल्याङ्कन प्रतिवेदन तयार पारी सरकारी सम्पत्तिमा नोक्सानी पुर्‍याएको आरोप छ।

त्यस्तै उनीहरुले चार करोड एकतीस लाख बहत्तर हजार दुई सय सतासी रुपैयाँ बत्तीस पैसा बराबरको रकम हिनामिना गरेको आरोप छ ।