१२ छोरा–छोरी, एक बुहारी, ज्वाइँ र  नातिनीसहित कहाँ गईन्  उर्मिला हायु ?

काठमाडौँ । सिन्धुलीको गोलन्जर गाउँपालिका ६ का एकै परिवारका १६ जना बेपत्ता भएका छन् ।  पालिकाको भण्डा बिप्पर कटेरीका उर्मिला हायुका एकै परिवारका १६  जना शुुक्रबार देखि बेपत्ता भएका हुन् । 

Watch On

एकै परिवारका १६ जना बेपत्ता भएको खबर पछि सुरक्षाकर्मीसहित लागेर खोजी सुरु गरेको गोलञ्जर गाउँपालिका र  सिन्धुली  जिल्ला  प्रशासनले  जनाएको  छ । वडा अध्यक्ष  रबिन  कुमार  श्रेष्ठका अनुसार हायुका परिवारले बिहिबार मात्रै राज्यले प्रदान गर्ने सिमान्तकृत समुदायले पाउने भत्ता १ लाख ९० हजार बुुझेका थिए ।

प्रतिव्यक्ति ३  हजार  २   सय सालाखालाका  दरले  उनीहरुले पछिल्लो  ३  महिनाको किस्ता बुझेका  थिए । उनकाअनुसार परिवार नै बेपत्ता भएको खबरपछि परिवारका एकजना सदस्यको फोन लागेको भए पनि अहिले उक्त फोन नै अफ छ । 

वडा  अध्यक्ष  श्रेष्ठका अनुसार हराएका   परिवारमा ६ वर्ष  देखि  ५२  वर्ष उमेर समूहका  छन्  । बेपत्ता हुनेहरुमा ५२  वर्षकी घरमुुली उर्मिला  हायु, ६ भाई छोराहरु राजु हायु, हिमाल हायु, लाल बहादुर हायु, डेग बहादुर हायु, सुवर्ण हायु, लक्ष्मण हायु  छन् ।  यस्तै ६ बहिनी  छोरीहरु कमला हायु, सुधा हायु, सुजता हायू, उषा हायु, अस्मिता हायुु र कोमला हायु रहेका छन् । यस्तै एक  जना बुहारी र एक जना ज्वाइँ र एक   जना नातीनी पनि हराउने सूचीमा छन् । 

सिन्धुलीका प्रमुख जिल्ला अधिकारी दिनेश शागर भुुषाल पनि गोलञ्जरको घटनाले आफुुहरु अचम्भित भएको सिधाकुरालाई बताए । घरमा वस्तुु भाउ सबै छोडेर एकै परिवारका सबै जना बेपत्ता हुनुु आश्चार्य भएको भुुषालले बताए । 

उनकाअनुसार बेपत्ता भएका परिवारका सदस्यहरुको अन्तिम लोकेसन रामेछाप  नगरपालिकाको ९   नम्बर   वडामा देखिएको छ । एकै घरका यति धेरै सदस्य हराएको सूचनापछि जिल्लाका साथै छिमेकी सबै जिल्लाका सुरक्षा अधिकारीहरुको समन्वयनमा खोजी तिब्र पारिएको भुुषालले बताए । 

प्रमुुख जिल्ला अधिकारी भुुषालकाअनुसार उर्मिला हायुुको घरमा सुरक्षाकर्मी पुुग्दा सबै कुरा समान्य र शकुसल छ । बाख्रा लगायतका चौपायहरु खान नपाएर भोकले कराई रहेका पाइएको उनले बताए । 

यता गोलञ्जर गाउँपालिकाले भने हायुुका परिवार शुक्रबारदेखि नै हराई रहेको जनाएको छ । घरको पालिमा अलिकति आगो लागेको र चुल्होमा मासु पनि भेटिएको पालिकाका विपद् सम्पर्क अधिकारीे हरिबहादुर कार्कीले जानकारी दिए । 

उनकाअनुुसार छरछिमेक टाढा रहेको सो घरमा घरबाट केहीमाथि भैँसी पालेको गोठ छ । केही दिनदेखि भैँसीको रेखदेख गर्न कोही नगएको र भैँसी कराएपछि टाढा रहेका छिमेकीले खोजी गरेको  र घटना बाहिरिएको  कार्कीले  सिधाकुरालाई बताए । 

घरमा केहीदिन देखि कोही पनि नभएको जस्तो देखिएपछि उनीहरुले वडा तथा गाउँपालिकामा खबर गरेका थिए । ‘गाउँपालिका, वडा तथा प्रहरीको टोली पुग्दा घरमा कोही थिएनन् । चुलोमा सुंगुरको मासु गनाईरहेको थियो,’ कार्कीले भने, ‘ १०÷१५ ओटा कुखुरा, ६÷७ ओटा बाख्रा तथा गोठमा भैँसी रहेको र घरको पालीमा सामान्य आगो लागेको देखिएको छ ।’ 
अहिले  पालिकाले उनीहरुको गाइवस्तुको जिम्मा छिमेकीलाई लगाएको छ । घरका एक जना सदस्यको मोबाईल लोकेसन रामेछाप नगरपालिकामा रहेको सूचना आएको पनि कार्कीले बताए ।

अन्तिम फोन लोकेसन  भेटिएको रामेछाप  नगरपालिका–९ मा पनि  खोजतलास जारी राखिएको  रामेछापका  प्रमुख जिल्ला अधिकारी श्यामकृष्ण  थापाले बताए ।

फोनको लोकेसन भेटिएको भन्ने सूचना पछि जिल्लाबाट सशस्त्र र जनपथ प्रहरी परिचालन गरिएको प्रजिअ थापाले बताए ।