काठमाडौँ । यदी अवस्था अहिलेको भन्दा फरक भएको भए । हमासको कब्जामा रहेका बिपिन अन्य बन्दी जस्तै यस अघिका सूचीमा छुुटेको भए । आमा पद्मा जोशी र बहिनी पुुष्पा त्रिभुवन अन्तराष्ट्रिय विमानस्थलको आगमन कक्षामा कति हर्षित हुुन्थे होलान् । फर्किएका बिपिनलाई हर्षोल्लासको स्वागतमा खुसीका आँसुु कति बगाउँथे होलान् । 

सोमबार बिहान विमानस्थल परिसरमा भेटिएकी विपिन जोशीकी आमा पद्मा भावविह्वल थिइन् । रातो टीका, काँधमा राष्ट्रिय झण्डा र त्यसमाथि खादा । २२ महिनादेखि बेपत्ता छोराको खोजीमा पाएको हैरानी, एक्लो छोराको अभावले भोगेको पीडा, छटपटी र क्रन्दन अनुहारमा प्रष्टै देखिन्थ्यो । उनै आमासँगै अवोध देखिन्थिन् बहिनी पुुष्पा पनि । नियतिले बिपिनलाई स्वदेश फर्काएन उल्टै छोराको खोजीको पहलका लागि आमा पद्मा  र बहिनी पुष्पा बुुबालाई घरमा छोडेर इजरायल हिँड्नुु पर्यो ।

२०८० असोज २० गते काम गरिरहेकै स्थानबाट हमासको कब्जामा परेका बिपिनको अवस्था अहिलेसम्म अज्ञात छ । हमासको कब्जामा परेका बिपिन जोशी रिहाईको पहल गर्न भन्दै इजरायल सरकारले आमा र बहिनी पुुष्पालाई इजरायल लैजाने सबै प्रबन्ध मिलाएको थियो ।

सोही अनुसार उनीहरु सोमबार बिहान त्रिभुवन विमानस्थलबाट दुुबई हुुँदै इजरायलका लागि उँडे । 

काठमाडौँस्थित इजरायली दूूतावासकाअनुसार हमासको कब्जामा रहेका बिपिनको रिहाइका लागि आमा भवानीलाई अन्तराष्ट्रिय मञ्चहरुमा अपिल गर्ने अवसर प्रदान गर्न इजरायल लगिएको हो । 

हमासले २०८० असोज २० मा घातक आक्रमण गरेर झण्डै १२ सय मानिसको नृशंस हत्या गरेको थियो । जसमा नेपाल सरकार र इजरायल सरकारबीचको आपसी समझदारी अनुसार पढ्दै कमाउँदै कार्यक्रमका लागि इजरायल पुुगेका बिद्यार्थीहरु समेत परेका थिए । 

हमासको आक्रमणबाट १० जान नेपाली विद्यार्थीले ज्यान गुमाएका थिए । सोही आक्रमण पश्चात २५१ जनालाई हमास लडाकुुले नियन्त्रणमा लिएर आफ्नो इलाकामा लगेका थिए । तिनै मध्येका एक थिए बिपिन जोशी । 

आक्रमणपछि सम्पर्कबिहिन भएका बिपिन हमासको कब्जामा रहेको र उनी जिवितै रहेको दाबी इजरायल सरकारले पटक–पटक गर्दै आएको छ । गाजाको एक अस्पतालको सिसिटीभी फुटेजमा बिपिन देखिएको भन्दै इजरायले उक्त दाबी गरेको थियो । यता नेपालका परिवारले पनि उक्त फुुटेजमा बिपिन देखिएको बताउँदै आएका थिए । त्यसबाहेक उनीबारेको अन्य कुनै पनि जानकारी सार्वजनिक भएको छैन । 

हमासले कब्जामा लिएका मध्ये हालसम्म विभिन्न चरणमा गरेर १४८ जना रिहाई तथा उद्धार भएका छन् । तर, त्यसमा बिपिन परेका छैनन । इजरायल सरकारको दाबीअनुसार अझै पनि ४९ जना हमासको कब्जामा छन् र ति मध्ये २२ जना जिवितै छन् । 

बिपिनको रिहाइको पहल गर्न जोशी परिवारले निकै ठूलो संघर्ष गरिरहेको छ । तर, कतैबाट पनि सार्थक प्रयास भइरहेको छैन । नेपाल भ्रमण गरेका संयुक्त राष्ट्र संघका महासचिव हुुन् वा कतारी राजा । हरेक पटक उनीहरु दौडिँदै काठमाडौँ आउँछन् । सरकार र दूतावासलाई बिपिन रिहाइको पहल गरिदिन आग्रह गर्छन् । केही नतिजा आउँदैन अनी निरास हुँदै फर्कन्छन् । 

पछिल्लो दिनहरुमा गाजामा इजराली आक्रमण निकै तिब्र बनेको छ । आक्रमण भयनक भएसँगै हमासले दुुई साताको बीचमा थप दुुई फरक फरक भिडियो जारी गरेर इजायलका कारण बन्धकहरु भोकै हुुनसक्ने भन्दै युुद्ध रोक्न बार्गेनिङ गरेका छन् । 

कब्जामा लिएका व्यक्तिलाई मानव ढाल बनाएर हमासले इजरायललाई युद्ध रोक्न चेतावनी दिइरहँदा कब्जामा रहेका व्यक्तिका आफन्तहरु पनि इजरायलाई युद्ध भन्दा पनि आपसी छलफलको बाटो रोज्न र बन्धकलाई शकुसल घर फिर्तीको वातावरण बनाउन माग गरिरहेका छन् ।

इजरायलको युद्ध मन्त्रिपरिषद्ले प्यालेस्टाइनलाई नियन्त्रणमा लिने चर्चा र निर्णयपछि पछिल्लो घटनाक्रम विकसित भएको हो । यो कदमले कब्जामा रहेकाहरु झनै असुुरक्षित हुुने भन्दै पीडित परिवारका सदस्यले यसै साता इजरायली प्रधानमन्त्री बेन्जामिन नेतान्याहूूको कार्यालय बाहिर प्रर्दशन समेत गरेका थिए । यही छेकोमा बिपिनको उद्धार पहल माग गर्दै आमा पद्मा र बहिनी पुुष्पा आमा इजरायलमा छन् । 

इजरायलको माटोमा टेक्दा पद्मा सम्हालिन सकिनन् । विमानस्थलमा आएका पत्रकारसँग उनले आफ्नो छोरालाई फर्काउन आएका सुनाईन् । हमाससँग बिन्ती गर्दै आफ्नो छोरालाई फर्काइदिन आग्रह गरिन् र विश्वसमुदायसँग विपिनको रिहाइका लागि सहयोग गर्न आग्रह गरिन् । हरेक दिन बिपिनको बाटो कुरिरहेकी बहिनी पुष्पाले पनि ठुलो आशा लिएर इजरायल पुगेको भन्दै बिपिनको रिहाईमा माग राखिन् ।