दल खोलेर राजनीति गर्छु, हिन्दु धर्म र राजतन्त्र मेरो एजेण्डा हो -दुर्गा प्रसाईँ

कठमाडौँ । २०८१ चैत १५ गते तीनकुनेमा हिंसा भड्किएपछि दुर्गा प्रसाईं भागेर भारत पुगे । राजासहितको हिन्दु अधिराज्य माग गर्दै व्यवस्था फेर्ने आन्दोलन घोषणा गर्न आयोजित समारोह रक्तपात र हिंसामा परिणत भयो । आन्दोलनको एक नेतृत्वकर्ता बनेका प्रसाईँ भने भागेर भारत पुगे ।

Watch On

भारतमा लुकिछिपि रहेकै अवस्थामै सरकारले अनुकुलको मुद्दा जोडेर प्रसाईंलाई उक्त रक्तपातको मुल नेतृत्वकर्ता बनायो । राज्य  विरुद्धको कसुर देखि तीनकुनेमा भएको हिंसा, आगजनी र तोडफोड, आन्दोलनमा प्रहरबाट मारिएका व्यक्ति देखि घाइते प्रहरी सबैको अपजसको भारी दुर्गामाथि बोकाइयो । 

भागेर भारत पुगेका प्रसाईंलाई समात्न नसकेको प्रहरीले उनको परिवारका सदस्यमाथि पनि आरोप लगाएर पक्राउ पुर्जी जारी ग¥यो भने उनको सबै व्यवसायको बैङ्क खाता र कारोबार रोक्का गरेर दबाब बनायो । 

सबैतिरबाट च्यापिएका दुर्गा अन्तत कुनै उपाय नलागेपछि प्रहरीलाई पहिल्यै जानकारी गराएर चैत २८ गते नेपाल फर्किए । गृह जिल्ला समेत रहेको झापाको नेपाल भारत सिमाना काँकडभिट्टाबाट उनी प्रहरी हिरासतमा पुगे । 

तीनकुने घटनामा उनलाई जिल्ला अदालत काठमाडौँले पुर्पक्षका  लागि थुनामा पठाउने आदेश ग¥यो । झण्डै चार महिना डिल्लीबजार कारागारमा बसेका प्रसाईं जिल्लाको  आदेश विरुद्ध उच्च अदालत गए । इबैकिङ कसुर देखि तीनकुने घटनाको आधा दर्जन मुद्दाका विरुद्ध उच्च पुगेका उनलाई २८ लाख धरौटीमा रिहा गर्न आदेश भयो । त्यसपछि उनी १९ साउनमा कारागार मुक्त भए ।

कारागारबाट बाहिरिए लगत्तै उनी पुनःः राजनीतिक गतिविधिमा सक्रिय बनेका छन् । राजासहितको हिन्दुराष्ट्र नेपाल निर्माण गर्न घोषित रुपमा दल खोलेर राजनीतिमा आउने प्रसाईंले दाबी गरे ।

यही पृष्ठभूमिमा सिधाकुराले दुर्गा प्रसाईंसँग तीनकुने घटना देखि पूर्वराजा ज्ञानेन्द्र शाहसँगको सम्बन्ध, कारागार बसाइ, नयाँ दल खोल्ने घोषणा र अहिलेको सरकारबारे प्रसाईंको बुझाई  लगायतका विषयमा कुराकानी गरेको छ । सिधाकुराका लागि युवाराज कँडेलले प्रसाईंसँग गरेको कुराकानीको सम्पादित अंश यहाँ प्रस्तुत गरिएको छ ।