सामाजिक सञ्जाल बन्द गरेर सरकारले कलाकारको पेटमा लात हान्यो - हास्य कलाकार बल्छी धुर्बे

हास्य कलाकार मरिचमान श्रेष्ठ बल्छी धुर्बे० ले सरकारको सामाजिक सञ्जाल बन्द गर्ने निर्णयको विरोध गरेका छन् । आइतबार सिधाकुरासँग सङ्क्षिप्त कुराकानी गर्दै उनले सरकारको निर्णयका कारण कलाकारिता क्षेत्रमा कल्पनीय हानी पुगेको उनले बताए ।

Watch On

कलाकार श्रेष्ठको हल्का रमाइले र जुठे नामक दुईवटा टेलिसिरियल निर्देशन र उत्पादन गर्छन । अध्ययन बिनाको सरकारी निर्णयले कलाकारको पेटमा लात्ति हान्ने काम भएको उनले प्रतिक्रिया दिए ।   

आफ्नो दुईवटा हास्य टेलिसिरियलमा ५० जना भन्दै कलाकार र कर्मचारीहरू आवद्ध रहेको भन्दै कलाकार श्रेष्ठले सरकारको निर्णयबाट उनीहरूको आर्थिक दायित्व चुनौतीपूर्ण बनेको प्रतिक्रिया दिए ।

युट्युबका कारण चलिआएको कलाकारिता र एउटा आर्थिक चक्र नै सरकारको निर्णयका कारण प्रभावित बनेको उनले बताए । युट्युब लगायतबाट खातामा आएको रकमबाट सरकारले ५ मिनेटमै कर लिने गरेको भन्दै उनले कर तिरेर पनि आफूहरू असुरक्षित बनेको देख्दा दुःख लागेको बताए ।

‘मैले उत्पादन गर्ने, निर्देशन गर्ने दुई वटा कार्यक्रममा ५० जना आश्रित हुनुहुन्छ,’ श्रेष्ठले सिधाकुरासँग भने,‘मैले कर तिरेर सामाजिक सञ्जालको आम्दानी प्रयोग गरिरहेको हुँ । म  र मजस्तै माथि असर गर्नेगरी सरकारले किन गलत निर्णय लियो रु’ सरकारले सामाजिक सञ्जालको फाइदाबारे अध्ययन र अनुसन्धान नै नगरेको र उ आफैले पाइरहेको करबारे पनि नबुझेको कलाकार श्रेष्ठ बताउँछन् ।

सङ्गीत र कलाकारिता क्षेत्रमा सामाजिक सञ्जालले कसरी योगदान गरिरहेका छन् भन्ने ध्यान दिन र अवरोध तत्काल खुलाउन पनि उनले आग्रह गरे । सरकारले भदौ १९ गतेदेखि फेसबुक, इन्स्टाग्राम, ह्वाट्सएप देखि युट्युबसम्मका ६ वटा सामाजिक सञ्जाल बन्द गरेको छ । सरकारको निर्णयको चौतर्फी आलोचना पनि भइरहेको छ।