दुर्गा प्रसाईँ र महेश बस्नेतलाई माइतिघरमा प्रदर्शन गर्न नदिइने

जिल्ला प्रशासन कार्यालय काठमाडौँले मंसिर ७ गते दुर्गा प्रसाईँ नेतृत्वको समूह र युवा संघ नेतृत्वको समूहलाई माइतिघरमा प्रदर्शन गर्न नदिने भएको छ । 

Watch On

दुवै समूहले माइतिघर क्षेत्रमा प्रदर्शनका लागि प्रशासनसँग अनुमति मागेपनि सुरक्षा दृष्टिकोणलाई लिएर उनीहरु दुवैलाई प्रदर्शन गर्न नदिने बताएको हो । 

त्यस्तै उनीहरुलाई हिँड्ने रुट र कार्यक्रम स्थल फरक पार्नेगरि छलफल समेत भइरहेको छ । दुवै पक्षसँग समन्वय गरेर नयाँ स्थान तोक्त प्रशासनले बताएको छ ।

मंसिर ७ गते काठमाडौँको माइतीघरमा नेकपा एमालेका नेता महेश बस्नेत र मेडिकल व्यवसायी दुर्गा प्रसाईँले छुट्टाछुट्टै कार्यक्रम गर्ने घोषणा गरेका थिए ।

बस्नेतले एमालेको भातृ संगठन राष्ट्रिय युवा संघ नेपालको ब्यानरमा कार्यक्रम गर्ने घोषणा गर्दै आएका थिए भने प्रसाईँले वृहत नागरिक मुक्ति आन्दोलनको ब्यानरमा कार्यक्रम गर्ने बताएका थिए । 

यी दुवै समूहले सार्वजनिक गरेका कार्यक्रमको समय तालिका मात्रै होइन कतिपय एजेण्डाहरू पनि उही छन् । महङ्गी, कालोबजारी, भ्रष्टाचार लगायतका विषय यी दुवै समूहका साझा एजेण्डा भएपनि दुर्गा प्रसाईँको समूहले भने व्यवस्था नै परिवर्तन गर्ने बताउँदै आएका छन्। प्रसाईँले नै गणतन्त्रको काम नभएको भन्दै हिन्दु राज्य सहित राजतन्त्र फर्काउने घोषणा गर्दै आएका छन् । 

मंसिर ७ मा दुर्गा प्रसाईँ भर्सेस महेश बस्नेत : दुई अराजकको स्वार्थको लडाईँ (भिडियाे ब्रिफिङ)