देउवाको टाउको र गर्धनमा चोट, अझै केहीदिन सेनाकै ब्यारेकमा रहने

ललितपुर । भदौ २३ गतेको जेनजी आन्दोलनका क्रममा घाइते भएका नेपाली कांग्रेसका सभापति शेरबहादुर देउवाको टाउको र गर्धनमा चोट लागेको छ ।  देउवा निवास बूढानीलकण्ठमा देउवा दम्पतीमाथि प्रदर्शनकारीले आक्रमण गरेका थिए । आक्रमणबाट घाइते भएको देउवाको टाउकोमा १२ वटा टाँका लगाइएको छ।

नेपाली सेनाले उद्धार गरी देउवा दम्पतीलाई शिवपुरी लगेर उपचारको व्यवस्था गरेको थियो। सभापति देउवा दम्पतीको स्वास्थ्य अवस्थाको बारेमा शुक्रबार बसेको नेपाली काँग्रेसको पार्टी कार्यालय सानेपामा बसेको केन्द्रीय कार्यसम्पादन समिति बैठकमा समेत कुरा उठेको एक नेताले बताएका छन् ।

पत्रकारहरूसँग कुराकानी गर्दै नेपाली काँग्रेसका प्रचार विभाग प्रमुख मीनबहादुर विश्वकर्माले सभापति देउवा दम्पतीको स्वास्थ्य अवस्था सुधारोन्मुख रहेको बताएको थिए । उनले भने, ‘सभापतिज्यूले दिनुभएको जानकारीअनुसार टाउकोको पछाडीपट्टी गम्भीर चोट छ र त्यसमा करिब १२ वटा टाँका लगाइएको छ, त्योभन्दा तल गर्धनमा पनि चोट छ, दुवै चोट निको हुँदै गएको अवस्था छ, उहाँ सामान्य बोलचाल गर्नुहुन्छ, हिँड्नुहुन्छ,’ ।

त्यस्तै, देउवा पत्नी आरजु राणा देउवाको स्वास्थ्य अस्थामा पनि क्रमीकरुपमा सुधार भैइरहेको प्रचार विभाग प्रमुख विश्वकर्माले बताए । घटनाको प्रकृति हेर्दा उनीहरूमाथि सिसा, रड वा धारिलो हतियार प्रहार भएको हुन सक्ने अनुमान छ।

उनका अनुसार देउवा दम्पतीको सैनिक अस्पतालमा उपचार भइरहेको छ ।