समाज

सरकार गठन र संसद बिघटन राष्ट्रपतिको स्वेच्छाले नभएको कांग्रेस नेता सिटौलाको ठोकुवा

सिधाकुरा

शुक्रबार, असोज ३, २०८२

सरकार गठन र संसद बिघटन राष्ट्रपतिको स्वेच्छाले नभएको कांग्रेस नेता सिटौलाको ठोकुवा

काठमाडौँ । नेपाली कांग्रेसका नेता कृष्णप्रसाद सिटौलाले अन्तरिम सरकार गठन र संसद बिघटन राष्ट्रपतिको स्वेच्छाले नभएको ठोकुवा गरेका छन् ।

Watch On

बीपी चिन्तन प्रतिष्ठानले शुक्रबार काठमाडौंमा आयोजना गरेको मौजुदा संविधान र यसका चूनौतिहरु बिषयक कार्यक्रममा सिटौलाले आन्दोलनका क्रममा देशभर आगजनी भएको र सुरक्षा निकाय समेत पछि हटेको अवस्थामा राष्ट्रपतिको स्वेच्छाले अन्तरिम सरकार गठन र संसद बिघटन नभएको बताएका हुन ।

उनले बाध्यता र परिवेशका कारण राष्ट्रपतिले अन्तरिम सरकार गठन र संसद बिघटन गर्नुपरेको जिकिर गरे । अहिले तोकिएको समयमा नै निष्पक्ष निर्वाचन हुन्छ भनेर सोच्नु मुर्खताबाहेक केहि नहुने उनले बताए । सिटौलाले अहिलेको अवस्थामा जनताको सर्वोच्चता कायम गरेको संविधानलाई सवै मिलेर जोगाउनुपर्ने आवश्यकता देखिएको धारणा व्यक्त गरेका थिए ।

त्यसका लागि सवै राजनीतिक दल र सरोकारवालाबीच बृहत एकता गर्नुको बिकल्प नरहेको उनको भनाइ छ । उनले जेनजी आन्दोलनका नाममा संविधान बिपरितको काम भएको स्पष्ट पारे । सिटौलाले पार्टीभित्र पनि वादविवाद नगरि जनतालाई सर्वोपरि राखेर काम गर्न सक्नुपर्नेमा जोड दिए ।

प्रकाशित मिति: शुक्रबार, असोज ३, २०८२

प्रतिक्रिया दिनुहोस्