मुख्य समाचार

सभापति शेरबहादुर देउवा निवासमा अत्यधिक पैसा भेटिएको समाचार कपोकल्पितः सचिवालय

सिधाकुरा

आइतबार, असोज ५, २०८२

सभापति शेरबहादुर देउवा निवासमा अत्यधिक पैसा भेटिएको समाचार कपोकल्पितः सचिवालय

काठमाडौँ । कांग्रेस सभापति शेरबहादुर देउवाको घरमा जेनजी आन्दोलनका क्रममा अत्याधिक पैसा भेटिएको समाचारमा सत्यता नभएको दाबी उनको सचिवालयले गरेको छ ।

सभापति देउवाका निजी सचिव भानु देउवाको एक विज्ञप्ति जारी गर्दै यस्तो दाबी गरेका हुन् । निवासमा अत्याधिक मात्रामा पैसा फेला परेको, जलेका नोटका अंशहरू निवास परिसरमा जताततै भेटिएको, पैसा लुकाउन सुरूङ्ग बनाएको जस्ता समाचार आइरहेको र ति सबै समाचार कपोकल्पित मात्रै भएको उनको दाबी छ ।

जेनजी आन्दोलन र देउवको घरमा आक्रमण भएको ९ दिन पछि विज्ञप्ति जारी गर्दै स्वकीय सचिव देउवाले बदनाम गर्ने नियतले उक्त भ्रम फैलाइएको दाबी गरेका छन् । उनले विज्ञप्तिमा त्यस्ता भ्रामक सूचनाको पछि नलाग्न अनुरोध पनि गरेका छन् ।

‘विभिन्न सामाजिक सञ्जालमा घरभित्र रहेको अन्डर ग्राउन्ड ट्याङ्कीलाई विभिन्न अनुमान गरेर प्रचार प्रसार गरेको देखिएकाले उक्त पानी ट्याकी रहेको स्पष्ट गर्दछु,’ स्वकीय भानुले भनेका छन् ‘यस्तै, जनमानसमा अपमानित गर्ने मनसायले प्रविधिको गलत प्रयोगबाट विभिन्न ठाउँमा विभिन्न समयका जलेका नोटका दृष्यहरू जोडेर सम्पादित फोटो र भिडियोहरू युट्युब तथा सामाजिक सञ्जालमा सम्प्रेषण गरिएको पाइएको छ, यसमा कुनै सत्यता नभएको स्पष्ट पार्न चाहन्छौँ ।’

यस्ताे छ विज्ञप्ति