समाज

शेरबहादुर देउवाका साला भूषण राणाको घरमा के भेटियो ?

सिधाकुरा

सोमबार, असोज १३, २०८२

शेरबहादुर देउवाका साला भूषण राणाको घरमा के भेटियो ?

काठमाडौँ । नेपाली कांग्रेसका सभापति शेरबहादुर देउवाकी पत्नी आरजु राणा देउवाका भाइ भूषण राणामाथि सरकारले अनुसन्धान थालेको छ । जेनजी आन्दोलनका क्रममा देउवा दम्पत्तीको घरमा ठुलो संख्यामा नगद जलेको पाइएपछि उनीहरुमाथि अुकत सम्पत्ति लुकाएको आरोपमा सम्पत्ति शुद्धिकरणमा अनुसन्धान चलेको छ ।

Watch On

त्यसक्रममा देउवा दम्पत्तीको नगद तथा सम्पत्ति व्यवस्थापन गर्ने भूषण राणाका घर तथा कार्यालयमा पनि सम्पत्ति शुद्धिकरण विभाग र प्रहरीको केन्द्रीय अनुसन्धान ब्यूरो सिआइबीले छापा हानेको थियो ।
आइतबार साँझदेखि अबेर रातिसम्मै चलेको छापामारीमा प्रहरीले केहि कागजाता बाहेक ठोस प्रमाण नभेटाएको स्रोतले जनाएको छ । उनको घर बाहेक अन्यत्र पनि छापामारी केही विवरण लिइएको भएपनि खुलाउन नमिल्ने प्रहरी जनाएको छ । छापा मार्दा राणा भने घरमा थिएनन् ।

उनी एक महिनाअघिनै विदेश पुगेका छन् । यो बिचमा भएको जेनजी आन्दोलनका क्रममा देउवा दम्पत्तीको घरमा आगजनी र तोडफोड भएपछि आफ्नो घरमा पनि हुन सक्ने आशंकामा प्रमाण लाग्न सक्ने नगद तथा सम्पत्ती अन्यत्र सारिसकिएको हुन सक्ने अनुसन्धान अधिकारीले दाबी गरे ।
भूषण राणा दिदी भिनाजु सत्तामा रहेका बेला प्रायः हरेक नियुक्ति,सरुवा बढुवा र नीतिगत निर्णयहरुमा हाबी हुने गरेको आरोप छ ।