उपत्यकामा ८ देखि १० घन्टासम्म भारी वर्षाको सम्भावनाः मौसमविद

काठमाडौँ । शनिबार काठमाडौँ उपत्यकामा ८ देखि १० घन्टासम्म भारी वर्षा हुने सम्भावना मौसमविदले जनाएका छन् । 

Watch On

त्रिभुवन विश्वविद्यालयको जल तथा मौसम विज्ञान विभागका सह–प्राध्यापक विनोद पोखरेलले शुक्रबार दिउँसोबाट दिनभरि हल्कादेखि मध्यम वर्षा हुने र शनिबार दिउँसोबाट भारीदेखि अतिभारी वर्षा हुन सक्ने जनाएका हुन् । 
सामाजिक सञ्जालमा विवरण राख्दै मौसमविद  पोखरेले बागमती, मधेस र कोशी प्रदेशका धेरै स्थान वर्षाबाट प्रभावित हुने तथा लुम्बिनी र गण्डकीका केही स्थानमा पनि अति भारी वर्षा हुन सक्ने उनले उल्लेख गरेका छन्।

शनिबार राति सचेत रहन सुझाव दिदै उनले बागमती र मधेसका केही स्थानमा ३०० मिलिमिटरभन्दा बढी पानी पर्न सक्ने बताए । उनले शनिबार राति सचेत रहन सुझाव दिँदै सकेसम्म शनिबार र आइतबार यात्रा नगर्न भनेका छन्।

पानी त आज दिउसो बाट सुरु हुन्छ तर आज दिनभरी हल्का देखि मध्यम बर्षा मात्र छ।
भारि देखि अति भारि वर्षा भोलि दिउसो बाट सुरु हुने र भोलि राति भने सचेत हुनु पर्ने छ।
सकेसम्म भोलि दिउसो देखि आइतबार सम्म यात्रा नगर्न सुझाब छ।
काठमाडौँ उपत्यकामा ८-१२ घण्टा सम्म भारि बर्षाको सम्भावना छ https://t.co/z6IBcHjwNg pic.twitter.com/UAGf2moNTV

— Binod Pokharel (@BinodClimate) October 3, 2025 

उनले सामाजिक सञ्जाल 'एक्स'मा लेखेका छन्, 'पानी त आज दिउँसोबाट सुरू हुन्छ तर आज दिनभरि हल्कादेखि मध्यम वर्षा मात्र छ। भारीदेखि अति भारी वर्षा भोलि दिउँसोबाट सुरू हुने र भोलि राति भने सचेत हुनुपर्ने छ। सकेसम्म भोलि दिउँसोदेखि आइतबारसम्म यात्रा नगर्न सुझाव छ। काठमाडौं उपत्यकामा ८-१२ घन्टासम्म भारी वर्षाको सम्भावना छ।'

बंगालको खाडीबाट भारत हुँदै नेपाल प्रवेश गरेको मौसमी प्रणालीका कारण काठमाडौँ उपत्यका लगायत देशका विभिन्न भागमा अत्यधिक वर्षा हुन सक्ने जल तथा मौसम विभागले जनाएको छ ,