समाज

नेपाल एयरलाइन्सले आज भैरहवा काठमाडौँ २:४५ बजे उद्धार उडान गर्ने

सिधाकुरा

सोमबार, असोज २०, २०८२

नेपाल एयरलाइन्सले आज भैरहवा काठमाडौँ २:४५ बजे उद्धार उडान गर्ने

काठमाडौँ । भारी वर्षाका कारण सडक यातायात बन्द भएपछि अलपत्र परेका यात्रुहरुलाई काठमाडौँ ल्याउन नेपाल वायुसेवा निगमको चार्टर्ड फ्लाइट आज दिउँसो भैरहवा जाने भएको छ ।

Watch On

भारी वर्षाका कारण सडक यातायात बन्द भएपछि अलपत्र परेका यात्रुहरुलाई चार्टर्ड फ्लाइट मार्फत आइतबार राति भैरहवाबाट काठमाडौँ ल्याउने तयार भएपनि तयारी नपुगेको भन्दै आजका लागि सारिको थियो ।
आज दिउँसो २ः४५ बजेका नेपाल एयरलाइन्सको विमान भैरहवाबाट काठमाडौँका लागि उड्ने गौतमबुद्ध अन्तर्राष्ट्रिय विमानस्थलका महाप्रबन्धक प्रतापबाबु तिवारीले जानकारी दिए । उनका अनुसार दिउँसो १ बजे विमान भैरहवा विमानस्थल पुग्ने छ ।

हिजो जिल्ला प्रशासन कार्यालय रुपन्देहीको आग्रहमा निगमको १५८ सिट क्षमताको जहाजमार्फत यात्रुहरुलाई आइतबार राति ८ बजे भैरहवाबाट काठमाडौं पठाउने तयारी गरिएको थियो ।

नेपाल वायुसेवा निगमले पनि सूचना जारी गर्दै काठमाडौं–भैरहवा ५ हजार र भैरहवा–काठमाडौं ७ हजार भाडा तय गरेको जानकारी गराएको छ । प्रजिअ पाण्डेका अनुसार उपचारका लागि जानुपर्ने बिरामी, अध्ययन तथा रोजगारीका लागि विदेश जान टिकट लिइसकेका यात्रु तथा पर्यटक लगायतलाई प्राथमिकता दिएर पठाइने छ ।

प्रकाशित मिति: सोमबार, असोज २०, २०८२

प्रतिक्रिया दिनुहोस्