समाज

बालेनको योजनामा ओलीसहित आफूलाई पक्राउ गर्न खोजिएको महेश बस्नेतको दाबी

सिधाकुरा

बुधबार, असोज २२, २०८२

बालेनको योजनामा ओलीसहित आफूलाई पक्राउ गर्न खोजिएको महेश बस्नेतको दाबी

काठमाडौँ । नेकपा एमालेका नेता महेश बस्नेतले सरकारले केपी ओली, रमेश लेखक र आफुलाई पक्राउ गर्न प्रशासनलाई दबाब दिइएको बताएका छन् । उनले काठमाडौँ महानरपालिका मेयर बालेन शाहको योजनामा आफूहरुलाई पक्राउ गर्न खोजिएको आरोप लगाएका हुन् ।

Watch On

उनले जेनजी आन्दोलनका नाममा अन्तराष्ट्रिय शक्तिका एजेण्डहरुले राज्य संयन्त्रलाई कव्जा गर्न खोजेको टिप्पणी गर्दै सुदन गुरुङजस्ता मान्छेहरुलाई एम्बुस बनाएर पड्काउने प्रयास भएको दाबी गरे । बस्नेतले बालेनको योजनामा नै नेताहरुको घरदेखि अन्य संरचनामा तोडफोड र आगजनी गराइएको आरोप लगाए ।

अहिले पनि साइबर अपराधमार्फत लुटपाटका धन्दा चलिरहदा गृह प्रशासन त्यसलाई संरक्षण गर्न लागेको उनको टिप्पणी थियो ।
बस्नेतले जेनजी आन्दोलनको क्रममा भएको घटनाको छानबिन गर्न आयोग बनेको अवस्थामा निष्पक्ष छानविनका लागि दोषिमाथि कारवाही गर्नुपष्र्ने माग गरे ।

उनले फुलपातीको दिनदेखि अहिलेसम्म आफुलाई पक्राउ गर्न दवाव दिइएको भन्दै आफुलाई पक्राउको कुनै डर नभएको जिकिर गरे । बस्नेतले जेनजीको नाममा अराजकता मच्चाउनेविरुद्ध देशव्यापी अभियान चलाइने उल्लेख गरे ।

प्रकाशित मिति: बुधबार, असोज २२, २०८२

प्रतिक्रिया दिनुहोस्