समाज

एन्फाले शहिद स्मारक ए डिभिजन लिग होम एन्ड अवे प्रणालीमा तत्काल नगर्ने

सिधाकुरा

मंगलबार, असोज २८, २०८२

एन्फाले शहिद स्मारक ए डिभिजन लिग होम एन्ड अवे प्रणालीमा तत्काल नगर्ने

ललितपुर । अखिल नेपाल फुटबल संघ(एन्फा)ले शहिद स्मारक ए डिभिजन लिग होम एन्ड अवे प्रणालीमा तत्काल नगर्ने भएको छ ।

Watch On

मंगलबार ललितपुरमा पत्रकार सम्मेलन गर्दै एन्फाले ए डिभिजन क्लवको सुझावका आधारमा तत्कालका लागि होम एन्ड अवे प्रणालीमा लिग नगर्ने निर्णयमा पुगेको जनाएको हो ।

एन्फा महासचिव किरण राईले होम एन्ड अवेमा खेल खेल्नका लागि क्लवहरुले १० महिनाको समय माग गरेको र अन्य तयारी समेत गर्नुपर्ने भएकाले तत्कालका लागि होम एन्ड अवे प्रणालीमा ए डिभिजन लिग नगर्ने निर्णयमा पुगिएको जानकारी दिए ।

लिग होम एन्ड अवे प्रणालीमा नभएपनि अन्य प्रणालीमा लिग सञ्चालनका लागि छठ पछाडी क्लवहरुसंग छलफल गर्ने उनले बताए । महासचिव राईले मिति तलमाथि हुने भएपनि ए डिभिजन लिग गर्नका लागि एन्फाले तयारी गर्ने उल्लेख गरे ।

ए डिभिजन लिगका साथै राष्ट्रिय लिगका बारेमा पनि छलफल भइरहेको भन्दै यसको आवश्यक निर्णय एन्फा बैठकले गर्ने उनको भनाइ छ । यसअघि ए डिभिजनका क्लबहरुले होम एन्ड अवे फरम्याटमा यस सिजनको लिग खेल्न आफूहरु तयार नरहेको जनाएका थिए ।

लिग सञ्चालनको लागि टाइमलाइन बनाएर अघि बढनुपर्ने माग क्लवहरुले राखेपछि होम एन्ड अवे प्रणालीबाट एन्फा पछि हटेको हो ।

प्रकाशित मिति: मंगलबार, असोज २८, २०८२

प्रतिक्रिया दिनुहोस्