राजनीतिक दलका नेताहरुसँग बालुवाटारमा प्रधानमन्त्री कार्कीले थालिन छलफल

काठमाडौँ । विभिन्न राजनीतिक दलका नेताहरुसंग प्रधानमन्त्री सुशीला कार्कीले बालुवाटावरमा छलफल सुरु गरेकी छन् ।

Watch On

छलफल आगामी निर्वाचन र वर्तमान अवस्था सुल्झाउन केन्द्रीत रहेको प्रधानमन्त्रीको कार्यालयले जनाएको छ । बालुवाटावरमा भैइरहेको छलफलमा नेपाली काँग्रेसका तर्फबाट गगन थापा र प्रकाशशरण महतले सहभागीता जनाएका छन् ।

त्यस्तै,नेकपा एमालेका तर्फबाट शंकर पोखरेल र प्रदीपकुमार ज्ञवाली, नेकपा माओवादी केन्द्रका तर्फबाट वर्षमान पुन र पम्फा भुसाल सहभागी रहेको प्रधानमन्त्री कार्यालयले जनाएको छ । त्यस्तै, रास्वपाबाट स्वर्णिम वाग्ले र सोविता गौतम छलफलमा सहभागी छन् ।

राप्रपाबाट राजेन्द्र गुरुङ र मोहन श्रेष्ठ, जसपाबाट उपेन्द्र यादव र प्रकाश अधिकारी, तमलोपाबाट सर्वेन्द्रनाथ शुक्लले सहभागीता जनाएका छन् । त्यस्तै, अन्यनेताहरुमा रेशम चौधरी, प्रेम सुवाल र चन्दन सिंहले छलफलमा सहभागीता जनाएको प्रधानमन्त्री कार्यालयले जनाएको छ ।

भने, सरकारका तर्फबाट छलफलमा प्रधानमन्त्री सुशीला कार्की, अर्थमन्त्री रामेश्वर खनाल, ऊर्जामन्त्री कुलमान घिसिङ, गृहमन्त्री ओमप्रकाश अर्याल र कृषिमन्त्री मदन परियार सहभागी छन् । त्यस्तै पर्यवेक्षकद्वय केदारभक्त माथेमा र विद्याधर मल्लिकले समेत छलफलमा सहभागीता जनाएका छन् ।

आगामी चुनावलाई सफल पार्न आयोजित राजनीतिक दलहरूसँगको संवादमा कार्यक्रममा चुनाव केन्द्रीत रहेर राजनीतिक दलको धारणा र सुझाव लिने तथा मतभेद सुल्झाउन छलफल केन्द्रीत रहने प्रधानमन्त्रीको कार्यालयले जनाएको छ ।