हिमपातका कारण मनाङमा फसेका पर्यटकहरुको उद्धार गरिदैं

काठमाडौँ । वर्षा र त्यसपछिको भारी हिमपातका कारण तिलिचो बेस क्याम्पमा फसेका पर्यटकको उद्धार गर्न थालिएको छ ।

Watch On

सोमबारदेखि मौसममा आएको परिर्वतनले यस वर्ष समय अगावै वर्षा र त्यसपछिको भारी हिमपातले गर्दा हिमाली जिल्ला मनाङ र मुस्ताङ घुम्न गएका पर्यटक भारी हिमपातका कारण सडक संजाल अवरुद्ध भएकापछि बिचबाटोमै अलपत्र परेका हुन ।

जिल्ला प्रशासन कार्यालय मनाङका प्रमुख अधिकारी नवराज पौडेका अनुसार मनाङ घुम्न आएका पर्यटक भारी हिमपातका कारण बिचबाटोमै अलपत्र परेको बताएका छन् । उनले भने, ‘तीन तहको सुरक्षा निकायको पहलमा अहिले तिलिचो बेस क्याम्पमा रहेका पर्यटकहरुलाई फर्किने वातावरण बनाउँदैछौँ । हामीहरु अहिले अवरुद्ध बाटो खुलाउदै खान्सारमा पुगेका छौँ ।’

त्यस्तै, हिमपातका कारण मनाङमा फसेका पर्यटकको उद्धार र अवरुद्ध बाटो खुलाउन नयाँ भैरवी दल गुल्म मनाङका सेनानी अनील थापा, जिल्ला प्रहरी कार्यालय मनाङका प्रहरी प्रमुख हरि पौडेल, सशस्त्रप्रहरी बलका डीएसपी धुर्व रेग्मी लगाएको नेतृत्वमा खटिएको छ ।

विदा मनाउँन मनाङ र मुस्ताङ पुगेका पर्यटकहरु भारी हिमपातका कारण सडक संजाल अवरुद्ध भएपछि तिलिचो बेस क्याम्पमै अड्कीएका हुन । अझै केहिदिन मौसम यथावत रहन सक्ने भएकाले तिलिचो बेस क्याम्पमा रहेका पर्यटकलाई सुरक्षीत स्थानतर्फ सार्ने र गन्तव्यमा पुर्याउन कार्य भैइरहेको जिल्ला प्रमुख अधिकारी पौडेलले सिधाकुरालाई बताएका छन् ।