समाज

रास्वपाले यसकारण गर्दैछ बृहत् राजनीतिक संवाद

सिधाकुरा

बुधबार, कात्तिक १२, २०८२

रास्वपाले यसकारण गर्दैछ बृहत् राजनीतिक संवाद

राष्ट्रिय स्वतन्त्र पार्टी (रास्वपा) ले शुक्रबार काठमाडौँमा वैकल्पिक राजनीतिक शक्तिहरुसँग बृहत् छलफल आयोजना गर्दैछ। पार्टीको मंगलबार बसेको सचिवालय बैठकले उपभासपति डा स्वर्णिम वाग्लेलाई सो छलफलको जिम्मेवारी तोकेको थियो ।

Watch On

रास्वपाका महामन्त्री कबिन्द्र बुर्लाकोटीकाअनुसार वैकल्पिक राजनीतिक शक्तिहरुसँग यस अघि भएको एक्ला एक्लै छलफललाई अब सामूहिक र बृहत्तर बनाउन सो छलफलको कार्यक्रम आयोजना गरिएको हो ।

जेनजी आन्दोलन पछिको विकसित राजनीतिक घटनाक्रम र आन्दोलनको उपलब्धि रक्षा गर्नु पर्ने धारणा राख्नेहरू बैठकमा सहभागी हुने महामन्त्री बुर्लाकोटीले बताए ।

उनकाअनुसार पार्टीले सबै वैकल्पिक राजनीतिक शक्तिहरूको नेतृत्व गर्न साझा धारणा बनाउन र जेनजी आन्दोलनको मर्मलाई लक्ष्यमा पु¥याउन यो बैठक फलदायी हुनेछ ।

यो बैठकलाई उनले रास्वपाले आयोजना गरेको नभई नेतृत्व लिएर समन्वय मात्रै गरेको पनि प्रष्ट्याए । बैठकका लागि सिके राउत नेतृत्वको जनमत पार्टी, बाबुराम भट्टराईको नयाँ शक्ति, विवेकशील साझा, जेनजीका विभिन्न समूह, बालेन पक्ष लगायत सहभागी हुनेछन् ।

एक भन्दा धेरै दल र समूहसँग समान धारणा र एजेण्डा बनाउन सो बैठक आयोजना गरिएको महामन्त्री बुर्लाकोटीले बताए ।

प्रकाशित मिति: बुधबार, कात्तिक १२, २०८२

प्रतिक्रिया दिनुहोस्