समाज

भदौ २३ र २४ को दिन नेपाली राजनीतिमा एक जुगमा एक पटक आएको दिनः डा बाबुराम भट्टराई

सिधाकुरा

शुक्रबार, कात्तिक १४, २०८२

भदौ २३ र २४ को दिन नेपाली राजनीतिमा एक जुगमा एक पटक आएको दिनः डा बाबुराम भट्टराई

काठमाडौँ । पूर्व प्रधानमन्त्री डा. बाबुराम भट्टराईले नेपाली राजनीतिमा भदौ २३ र २४ को दिन एक जुगमा एक पटक आएको एक दिन भएको बताएका छन् । राष्ट्रिय स्वतन्त्र पार्टीले शुक्रबार काठमाडौँमा आयोजना गरेको वैकल्पिक शक्तिहरुसँगको बृहत राजनीतिक संवादमा बोल्दै डा. भट्टराईले उक्त दिन एतिहासिक भएको बताएका हुन् ।

Watch On

उनले पछिल्लो समय अफवाह फैलाएर बिद्रोहलाई धमिलो बनाउने प्रयास भएको बताउँदै होसियार बन्न सुझाव दिए । ‘नेपाली राजनीतिमा भदौ २३ र २४ को दिन एक जुगमा
एक पटक आएको एक दिन हो । बिद्रोहलाई अफवाह फैलाएर धमिलो बनाउने प्रयास भएको छ। बिद्रोहपछि बनेको सरकार पनि हडबडाएको छ । पुरानै शक्ति बलियो हुने सम्भावना छ । होसियार बनौँ ।’

उनले रास्वपा वैकल्पिक राजनीतिको फलेको वृक्ष भएको बताउँदै परिपक्व भएर नेतृत्व लिओस् भन्ने कामना गरे ।

राष्ट्रिय स्वतन्त्र पार्टी (रास्वपा) वैकल्पिक राजनीतिक शक्तिहरुसँग यस अघि भएको एक्ला एक्लै छलफललाई अब सामूहिक र बृहत्तर बनाउन छलफलको कार्यक्रम आयोजना गरेको हो । छलफलको नेतृत्व पार्टी उपसभापति डा. स्वर्णिम वाग्लेले गरेका छन् ।

सबै वैकल्पिक राजनीतिक शक्तिहरूको नेतृत्व गर्न साझा धारणा बनाउन र जेनजी आन्दोलनको मर्मलाई लक्ष्यमा पु¥याउन यो बैठक फलदायी हुने अपेक्षा गरिएको छ ।

प्रकाशित मिति: शुक्रबार, कात्तिक १४, २०८२

प्रतिक्रिया दिनुहोस्