रास्वपा वैकल्पिक राजनीतिको फलेको वृक्ष हो परिपक्व भएर नेतृत्व लिओस्ः डा.बाबुराम  भट्टराई

पूर्व प्रधानमन्त्री डा. बाबुराम भट्टराईले राष्ट्रिय स्वतन्त्र पार्टी रास्वपा  वैकल्पिक राजनीतिको फलेको वृक्ष भएको बताएका छन् । शुक्रबार बालुवाटारमा रास्वपाले आयोजना गरेको बैकल्पिक शक्तिसँगको बृहत् संवादका क्रममा उनले रास्वपालाई परिपक्क भएका नेतृत्व लिन आग्रह गरेका हुन् । 

Watch On

आफ्नो अभिव्यक्ति राख्दै पूर्वप्रधानमन्त्री डा. भट्टराईले भने, ‘रास्वपा वैकल्पिक राजनीतिको फलेको वृक्ष हो परिपक्व भएर नेतृत्व लिओस् ।’

त्यस्तै डा. भट्टराईले नेपाली राजनीतिमा भदौ २३ र २४ को दिन एक जुगमा  एक पटक आएको एक दिन भएको बताएका छन् । उनले पछिल्लो समय अफवाह फैलाएर बिद्रोहलाई धमिलो बनाउने प्रयास भएको बताउँदै होसियार बन्न सुझाव दिए । ‘नेपाली राजनीतिमा भदौ २३ र २४ को दिन एक जुगमा एक पटक आएको एक दिन हो । बिद्रोहलाई अफवाह फैलाएर धमिलो बनाउने प्रयास भएको छ। बिद्रोहपछि बनेको सरकार पनि हडबडाएको छ । पुरानै शक्ति बलियो हुने सम्भावना छ । होसियार बनौँ ।’ 

राष्ट्रिय स्वतन्त्र पार्टी (रास्वपा) वैकल्पिक राजनीतिक शक्तिहरुसँग यस अघि भएको एक्ला एक्लै छलफललाई अब सामूहिक र बृहत्तर बनाउन छलफलको कार्यक्रम आयोजना गरेको हो । छलफलको नेतृत्व पार्टी उपसभापति डा. स्वर्णिम वाग्लेले गरेका छन् । 

सबै वैकल्पिक राजनीतिक शक्तिहरूको नेतृत्व गर्न साझा धारणा बनाउन र जेनजी आन्दोलनको मर्मलाई लक्ष्यमा पु¥याउन यो बैठक फलदायी हुने अपेक्षा गरिएको छ ।