समाज

महाधिवेशन कार्यतालिमा सहमति जुट्न नसकेपछि काँग्रेस बैठक स्थगित

सिधाकुरा

शुक्रबार, कात्तिक १४, २०८२

महाधिवेशन कार्यतालिमा सहमति जुट्न नसकेपछि काँग्रेस बैठक स्थगित

काठमाडौँ । नेपाली कांग्रेसको केन्द्रीय समिति बैठक आइतबारसम्मका लागि स्थगित गरिएको छ ।

Watch On

महाधिवेशनका बिषयमा आन्तरिक विवाद भएपछि छलफलका लागि भन्दै आइतबारसम्म बैठक स्थगित गरिएको हो । शुक्रबार नै महामन्त्रीद्वय गगन कुमार थापा र विश्वप्रकाश शर्माले कार्यवाहक सभापति पूर्णबहादुर खड्कासंग छलफल गरेका थिए ।

तर महाधिवेशनको कार्यतालिका प्रस्तुत गर्ने बिषयमा सहमति नभएपछि बैठक स्थगित भएको हो । कांग्रेस प्रवक्ता डा प्रकाशशरण महतले कार्यवाहक सभापतिको प्रस्तावमा बैठक स्थगित गरिएको जानकारी दिए ।

छलफल गरेर समझदारी गर्ने प्रयासका लागि आन्तरिक छलफल जारी रहने उनले बताए । प्रवक्ता महतले बिहीबारको बैठकमा महामन्त्री अनुपस्थीत भएकाले सवैको सहभागीतामा निष्कर्ष निकाल्ने प्रयास गरिने उल्लेख गरे ।

महाधिवशेनको बिषयलाई विवादको बिषय भन्दा पनि क्रियाशिल सदस्यहरुको सहभागीताका साथ सम्पन्न गर्ने चाहना रहेको उनको भनाइ छ ।
उनले महाधिवेशनका बिषयमा आएका बिभिन्न दृष्टिकोणलाई एकैठाँउमा ल्याउने प्रयास भइरहेको जिकिर गरे ।

कांग्रेसभित्र विशेष महाधिवेशन वा निर्वाचन अघि नै पार्टीको महाधिवेशन गर्ने वा नगर्ने भन्नेबारे विवाद छ ।

प्रकाशित मिति: शुक्रबार, कात्तिक १४, २०८२

प्रतिक्रिया दिनुहोस्