समाज

पार्टी छोड्दैं झाँक्रीले भनिन्, ‘भयानकै चल्छ भनेको अभियान समाप्त भयो’

सिधाकुरा

बुधबार, कात्तिक १९, २०८२

पार्टी छोड्दैं झाँक्रीले भनिन्, ‘भयानकै चल्छ भनेको अभियान समाप्त भयो’

काठमाडौँ । नेकपा एकीकृत समाजवादीकी नेतृ रामकुमारी झाँक्रीले सो पार्टीसंगको राजनीतिक यात्रा समाप्त भएको घोषणा गरेकी छन् ।

Watch On

बुधबार काठमाडौंमा पत्रकार सम्मेलन गर्दै झाँक्रीले माओवादीसंग एकता गरेसंगै एकीकृत समाजवादी बिघटन भएको उल्लेख गर्दै अव सो पार्टीसंगको राजनीतिक यात्रा समाप्त भएको घोषणा गरेकी हुन ।

प्रारम्भका दिनहरुमा भयानकै अभियान चल्छ होला भन्ने विश्वासले नयाँ अभियानमा जोडिएपनि त्यो अभियान एक हिसाबले समाप्त भएको र आफुहरुको अध्याय टुंगिएको उनले बताइन ।

झाँक्रीले अहिले आफुहरु पार्टीबिहीन बनेको र पजको अवस्थामा रहेको जिकिर गरेकी छन् । अहिलेको एकता प्रक्रियाले वृहत्तर वामपन्थी एकता र प्रगतिशील आन्दोलनलाई कमजोर पार्ने निश्चित रहेको उनले बताइन ।

उनले फरक–फरक बिचार राख्ने दलहरु एकैठाउँ आउदा दल कमजोर हुन्छ भन्ने कुरा नेकपा एकतामा नै भोगेको उल्लेख गरिन । त्यस्तै एकीकृत समाजवादीका नेता किसान श्रेष्ठले आफूहरु निःसर्तरुपमा मूलघर फर्किन लागेको बताइन ।

जीवन अर्पण गरेको पार्टी एमाले भएकाले एमालेमा प्रवेश नभइ घर फर्कने अभियानमा जुटेको उनले बताइन । उनले एमालेबाट विद्रोह गरेको कुरालाई भुलेर घरमा नै स–सम्मान फर्कने वातावरण बनाइदिन एमाले नेतृत्वलाई आग्रह समेत गरेकी छन् ।

प्रकाशित मिति: बुधबार, कात्तिक १९, २०८२

प्रतिक्रिया दिनुहोस्