ओरालो लाग्दै गरेकाहरुको एकताले निकास दिदैनः महासचिव भुसाल

काठमाडौं । कम्जोर तथा ओरालो लाग्दै गरेकाहरुले कतै उकालो लागिन्छकी भनेर गर्न लागेको एकताले निकास नदिने एकीकृत समाजवादीका महासचिव घनश्याम भुसालले बताएका छन् ।

Watch On

बुधबार काठमाडौंमा पत्रकार सम्मेलन गर्दै भुसालले पार्टी नेतृत्वकै कारणले कम्युनिष्ट आन्दोनल तिब्र अराजनीतिकरणका साथै दक्षिणपन्थी र अवसरवादी बन्दै गएको भन्दै अहिले एकताप्रक्रियामा समाहित हुन नसकिने समेत स्पष्ट पारेका हुन ।

कम्युनिष्ट एकता प्रक्रियाबाट अलग भएका महासचिव भुसालले आफु पार्टी पुनर्गठनमा लाग्ने घोषणा गरेका छन् । उनले अहिलेको अवस्थामा इमान्दार क्रान्तिकारीहरुले नयाँ पहलकदमीका लागि तयार हुनुपर्ने बताए ।

तथाकथित एकताको भ्रममा नपर्न आग्रह गर्दै उनले नेकपा एकीकृत समाजवादीको आआफ्नै हैसियतमा धैर्यताका साथ रहन अपिल गरेका छन् । आगामी मंसिर पहिलो हप्ता आयोजना गरिने भन्दै उनले राष्ट्रिय भेलाको तयारीमा लाग्न सबैलाई अनुरोध गरेका छन् ।

त्यस भेलाबाट आगामी कार्यभार र कार्य योजना निर्माण गरिने भुसाले जानकारी दिए । आन्दोलनको विचार र संगठन तथा जीवनवृत्तिमा समेत व्यापक पुनर्गठन अति जरुरी रहेकाले अव आफुहरुको ध्यान त्यसतर्फ हुने उनले बताए ।

उनले कम्युनिष्ट आन्दोलनको पुनर्गठन र रुपान्तरणको घोषित उद्देश्यका साथ बनेको पार्टीले आफ्नो औचित्य स्थापीत नगर्दै एकीकरणको प्रक्रिया अघि बढाउनु ठूलो घोका भएको उल्लेख गरेका छन् ।

एकताका नाममा उल्टो बाटो हिँडेर तमासा गर्न लागेको टिप्पणी गर्दै भुसालले त्यस्तो एकताले कम्युनिष्ट आन्दोलनलाई अझ समस्याग्रस्त बनाउँदै जाने बताए ।

भुसालले पुनर्गठित पार्टीहरुको ध्रुविकरण र एकताका आधारमा सिंगो कम्युनिष्ट आन्दोलनलाई पुनर्गठित र एकीकृत गर्न सकिने उल्लेख गरेका छन् । भुसालले अहिलेको अवस्थामा प्रचण्ड र माधव नेपालले नेतृत्व छाड्ने घोषणा गरे एकता प्रक्रियामा सहभागी हुन तयार रहेको जिकिर गरेका थिए ।