मुख्य समाचार

जेनजी आन्दोलन जाँचबुझ आयोगको आइजीजीलााई २४ घण्टे स्पष्टीकरणः कारवाही किन नगर्ने ?

सिधाकुरा

बिहीबार, कात्तिक २०, २०८२

जेनजी आन्दोलन जाँचबुझ आयोगको आइजीजीलााई २४ घण्टे स्पष्टीकरणः कारवाही किन नगर्ने ?

काठमाडौँ । जेनजी आन्दोलनमा भएका घटना जाँचबुझ आयोगलाई असहयोग गरेको भन्दै नेपाल प्रहरीका महानिरीक्षक (आईजीपी) चन्द्रकुवेर खापुङलाई २४ घण्टे स्पष्टीकरण सोधेको छ ।
आयोगका प्रवक्ता विज्ञानराज शर्माका अनुसार प्रहरीले आयोगले सोधेका विवरण एक महिना ढिलोगरी, अपूरो विवरण पठाएपछि आइजीपी खापुङलाई 'किन कारवाही नगर्ने'भन्दै २४ घण्टा भित्र लिखित कारण सहित स्पष्टिकरण दिन पत्रचार गरेको हो ।
यस अघि आयोगले जेनजी आन्दोलनका क्रममा फिल्डमा खटिएका प्रहरीको विवरण माग गरेको थियो । प्रहरीले भने आन्दोलनको दिन आइजीपी देखि देशैभरका प्रही जवानसम्म सबै फिल्डमा खटिएका जवाफ पठाएको थियो । प्रवक्ता शर्माका अनुसार अब प्रहरीका फिल्ड कमाण्डरहरुसँग बयान लिने तयारी गरिएको छ ।
आइतबार नै जाँचबुझ आयोगले प्रहरी प्रधान कार्यालयलाई काठमाडौं उपत्यकामा भदौ २३ र २४ गते खटिएका प्रहरी इन्चार्ज तथा कमान्डरहरूलाई उपत्यका नछाड्न व्यवस्था मिलाउन भनी पत्राचार गरेको थियो।

प्रहरीसँग सोधपुछ र बयानका लागि बोलाउनुपर्ने भएकाले इन्चार्ज तथा कमान्डरहरूलाई उपत्यका नछाड्न भनिएको हो।

प्रकाशित मिति: बिहीबार, कात्तिक २०, २०८२

प्रतिक्रिया दिनुहोस्