गृहमन्त्रीलाई सुदन गुरुङको चेतावनीः अझै जुका टाँसिए जसरी पदमा बसे २ दिनमा भविष्य निर्धारण हुनेछ

काठमाडौँ । जेनजी अगुवा तथा हामी नेपालका संस्थापक सुदन गुरुङले ८४ को चुनाव ८२ मा गर्नको लागि आन्दोलन नगरिएको बताएका छन् । उनले नेपाली जनताको मागहरू सम्बोधन हुँदैन भने यसपालिको चुनाव हुन नदिने चेतावनी समेत दिएका छन् । 

Watch On

उनले आज सामाजिक सञ्जाल फेसबुकमार्फत गृहमन्त्रीलाई सन्देश लेखेका हुन् । उनले देशभरबाट “हत्यारालाई कारबाही गर” “भ्रष्टाचारीलाई कारबाही”  गर भन्ने आवाज उठ्दा “जेन्जीलाई कारबाही”  गर   सुन्ने गृह मन्त्रीको पदमा टाँसिएर बस्नु राष्ट्रप्रति अपमान समेत जिकिर गरेका छन् । उनले अझैपनि गृहमन्त्रीको पदमा जुका जस्तो बसे दुई दिनपछिको प्रेस कन्फ्रेन्सले ओमप्रकाशको भविष्य निर्माण गर्ने चेतावनी दिएका छन् । 
यस्तो छ उनले लेखेको स्टाटसको पुरा पाठः 

हाम्रो अलोकप्रिय गृहमन्त्रीको लागि सन्देश

तपाईंले जनताको भरोसा पूरा गर्न सक्नुभयो छैन।

देशभरबाट “हत्यारालाई कारबाही गर” “भ्रष्टाचारीलाई कारबाही” गर भन्ने आवाज उठ्दा “जेन्जीलाई कारबाही” गर सुन्ने गृह मन्त्रीको पदमा टाँसिएर बस्नु राष्ट्रप्रति अपमान हो।

सहिदको रगत सम्झनुहोस्। नेपाल र नेपालीको आशा र आँसु सम्झनुहोस्।

काम गर्न नसके पद छोड्ने गर्नुभएको वाचा सम्झनुहोस्।

ओमप्रकाश अर्याल ज्यू, अब त्यो समय आएको छ किनभने अब दुई महिना हुन लागिसक्यो न त कुनै भ्रष्टाचारलाई कारबाही भो न त कुनै हतियारालाई।

अहिलेसम्म के हुन्छ कि भनेर देशको हितको लागि लड्दा मैले भ्रामक समाचार द्वारा यत्रो अपमान देखि चरित्र हत्या समेत सहेर बसे । कुनै स्पष्टीकरण पनि दिन उचित ठानिन्न किनभने मैले सोचेको थिएँ कामले देखाउँछ र कामले बोल्छ अनि नेपाली जनताले बुझ्नेछन् एकदिन,र अझै पनि देश बन्छ भने, करोडौँ अट्याकहरू सहन तयार छु तर अब तपाईंबाट आशा मरिसकेको छ।

हामी लड्यौं योग्य, इमानदार, र परिणाम देखाउने नेतृत्वका लागि।

हामी भ्रष्टाचार अन्त्य र राष्ट्रको भविष्य सुरक्षित गर्न उठ्यौं।

अब भीत्र मनमै सोच्नु होला—“चुनाब गराएर निक्लिन्छु, THE YOUTHS OF NEPAL ARE NOT STUPID, WE ARE WAITING.

त्यसैले चेतना होस् ।

चुनाबको नाटक नचलोस्।

८४ को चुनाव ८२ मा सार्नलाई गरिएको आन्दोलन होइन यो ।

नेपाली जनता र जिन्जीका मागहरू सम्बोधन हुँदैन भने यसपालिको चुनाव हुन दिइने छैन।

अझै पनि गृहमन्त्रीको पदमा टाँसेर जुका जस्तो बस्नुहुन्छ भने दुई दिनपछिको प्रेस कन्फ्रेन्सले तपाईंको भविष्य निर्धारण गर्नेछ। प्रधानमन्त्रीको प्रिय पात्रो भनेर कुर्ची बच्छ भनेर सोच्नुहुन्छ भने यो तपाईंको भ्रम हो।

DO YOUR DAMN JOB THAT YOU HAVE BEEN SENT FOR.

जनता जागिसके।

युवा जागिसके।