समाज

रास्वपाको विस्तारित बैठक चितवनमा सुरु

सिधाकुरा

शुक्रबार, कात्तिक २१, २०८२

काठमाडौँ । राष्ट्रिय स्वतन्त्र पार्टी (रास्वपा) को विस्तारित बैठक चितवनमा सुरु भएको छ । बिहान १० बजेदेखि सुरुहुने भनिएकौ बैठक विभिन्न कारणले गर्दा केहि ढिलो गरी सुरुभएको रास्वपाले जनाएको छ ।

Watch On

कात्तिक १४ र १५ गते गरी दुई सम्म चल्ने बैठकमा फागुन २१ को निर्वाचन तथा पार्टीको आगामी रणनीति तय गर्नेछ । बैठकमा पार्टी केन्द्रीय सदस्य, सचिवालय सदस्य, सल्लाहकार परिषद्का सदस्य, केन्द्रीय विभागका पदाधिकारी, प्रदेशका सचिवालय सदस्य, प्रतिनिधिसभा निर्वाचन क्षेत्रीय सभापति, जिल्ला सभापति, विदेशमा रहेका पार्टी संगठनका पदाधिकारी तथा पालिकाका सभापतिहरूसहित ५ सय बढी प्रतिनिधि सहभागीता जनाएको रास्वपाले जनाएको छ ।

बैठकमा कार्यवाहक सभापति डिपी अर्यालले राजनीतिक प्रतिवेदन पेश गर्ने छन् भने अहिले उपसभापति डा स्वर्णिम वाग्लेले निर्वाचन लक्षित वाचा पत्र पेस गरिरहेका छन् ।

यस्तै महामन्त्री कविन्द्र बुर्लाकोटीले सांगठनिक र सहमहामन्त्री विपिन आचार्यले उम्मेदवार चयनको विधी सम्बन्धी प्रतिवेदन पेस गर्ने रास्वपाले जनाएको छ ।

बैठकमा पेस गरिएका प्रतिवेदनमाथि प्रतिनिधिहरूले छलफल गर्नेछन् । विस्तारित बैठकले पार्टीको महाधिवेशनबारे टुंगो लगाउने छ भने फागुन २१ को निर्वाचनको रणनीति तय गर्ने प्रवक्ता मनिष झाले जानकारी दिए ।

प्रकाशित मिति: शुक्रबार, कात्तिक २१, २०८२

प्रतिक्रिया दिनुहोस्