मुख्य समाचार

सरकारले तोकेको समयमा निर्वाचन गर्न आयोग तयार छः निर्वाचन आयुक्त भण्डारी

सिधाकुरा

शुक्रबार, कात्तिक २१, २०८२

सरकारले तोकेको समयमा निर्वाचन गर्न आयोग तयार छः निर्वाचन आयुक्त भण्डारी

काठमाडौँ । निर्वाचन आयोगले सरकारले तोकेको समयमा प्रतिनिधिसभा निर्वाचन गर्न तयार रहेको जनाएको छ ।

सिंहदरबारमा शुक्रबार बसेको राष्ट्रियसभा अन्तर्गतको संघीयता सबलीकरण तथा राष्ट्रिय सरोकार समिति बैठकमा आयोगका कार्यवाहक प्रमुख निर्वाचन आयुक्त रामप्रसाद भण्डारीले निर्वाचनको शान्ति सुरक्षाको प्रतिवद्धता सरकारले जनाएपछि आयोगले निर्वाचनको तयारी तीव्र रुपमा गरिरहेको जानकारी दिए ।

अहिलेको अवस्थामा निर्वाचनको बिकल्प नभएकाले यसमा दुविधा राख्न जरुरी नरहेको उनले बताए । उनले निर्वाचनका सम्बन्धमा दलहरुसंग छलफल गर्दा सवै दलहरु निर्वाचन जान तयार रहेको प्रतिवद्धता प्राप्त भएको तर दलहरुको सरोकार शान्ति सुरक्षामा रहेको उल्लेख गरे ।

उनले अहिलेको ऐनमा विदेशमा रहेका नेपाली नागरिकको मताधिकारको व्यवस्था नरहेको भन्दै सरकारले कानून बनाएर दिए कार्यान्वयन गर्न आयोग तयार रहेको बताए ।

त्यस्तै माघ ११ गते सम्पन्न हुने राष्ट्रियसभा निर्वाचनको तयारी पनि अघि बढेको उनले बताए । बैठकमा समिति सदस्यहरुले तोकिएको समयमा निर्वाचन सम्पन्न गर्न आयोगले गरेको तयारीका बारेमा चासो व्यक्त गरेका थिए ।

प्रकाशित मिति: शुक्रबार, कात्तिक २१, २०८२

प्रतिक्रिया दिनुहोस्