समाज

१३५ मध्ये निर्वाचन प्रयोजनका लागि मंगलबार सम्म ८० दल दर्ता, आज अन्तीम दिन

सिधाकुरा

बुधबार, मंसिर १०, २०८२

१३५ मध्ये निर्वाचन प्रयोजनका लागि मंगलबार सम्म ८० दल दर्ता, आज अन्तीम दिन

काठमाडौँ । आगामी फागुन २१ गते हुने प्रतिनिधिसभा सदस्यको निर्वाचनमा सहभागि हुन चाहाने दलहरुका लागि बुधबार दल दर्ताको समय सकिदै छ ।

Watch On

निर्वाचन प्रयोजनका लागि निर्वाचन आयोगले मंसिर १ गते आइतबारदेखि मंसिर १० गते बुधबारसम्म निर्वाचनमा सहभागि हुन चाहाने दलहरुलाई दल दर्ताका लागि आह्वान गरेको थियो । आयोगमा दर्ता भएका १३५ दल मध्ये मंगलबार सम्म निर्वाचन प्रयोजनका लागि भन्दै ८० दललेमात्र दल दर्ता गराएको निर्वाचन आयोगले जनाएको छ ।

निर्वाचन आयोगमा निर्वाचन प्रयोजनका लागि बुधबार सम्म दर्ता भएका दललेमात्र आगामी फागुन २१ मा हुने प्रतिनिधि सभा निर्वाचनमा सहभागिता जनाउँन पाउने छन् । निर्वाचन कार्यक्रम अन्तर्गत माघ ६ गते उम्मेदवारको मनोनयन पत्र दर्ता, सोहीदिन बेलुका उम्मेदवारको सूची प्रकाशन गरिने छ ।

त्यस्तै, मनोनयन पत्र दर्ता भएका उम्मेदवारहरुको विरोधदावी तथा उजुरी दिने दिन माघ ७ गते, माघ ८ गते मनोनयन पत्र र उजुरी उपर जाँचबुझ एवम् निर्णय गरिने, पुनः उम्मेदवारको नामावली प्रकाशन गर्ने जनाइएको छ । माघ ९ गते इच्छुक उम्मेदवारले नाम फिर्ता लिन सक्ने, सोहीदिन उम्मेदवारको अन्तिम नामावली प्रकाशन र उम्मेदवारलाई निर्वाचन चिह्न प्रदान गरिने निर्वाचन आयोगले जनाएको छ ।

प्रकाशित मिति: बुधबार, मंसिर १०, २०८२

प्रतिक्रिया दिनुहोस्