मुख्य समाचार

निर्वाचनका लागि रास्वपाले ७७ जिल्लामा खटायो केन्द्रीय प्रतिनिधि: को-कुन जिल्लामा ? (सूचिसहित)

सिधाकुरा

बुधबार, मंसिर १०, २०८२

निर्वाचनका लागि रास्वपाले ७७ जिल्लामा खटायो केन्द्रीय प्रतिनिधि: को-कुन जिल्लामा ? (सूचिसहित)

काठमाडौँ । राष्ट्रिय स्वतन्त्र पार्टीले फागुन २१ को निर्वाचनको तयारीका लागि ७७ जिल्लामा केन्द्रीय प्रतिनिधि खटाएको छ ।

निर्वाचन लक्षित पार्टी गतिविधिका लागि जिल्ला र केन्द्रबिच निरन्तर समन्वयका लागि केन्द्रीय नेताहरूलाई जिम्मेवारी दिएर जिल्लामा खटाइएको रास्वपाका महामन्त्री कवीन्द्र बुर्लाकोटीले जानकारी दिए ।

उनका अनुसार जिल्लामा भइरहेका पार्टी गतिविधि, समस्या र समाधानका विषयमा केन्द्रबाट खटिएका प्रतिनिधिहरू केन्द्रित हुने छन् भने उनीहरूको तहबाट समाधान नभएका विषय प्रतिनिधि मार्फत नै केन्द्रमा आउने छन् ।

साथै निर्वाचन केन्द्रित योजनाका लागि प्रतिनिधिहरूको विशेष भूमिका रहने छ । नेताहरूलाई अन्तर जिल्लाको जिम्मेवारीले नेतृत्वमा विकासमा पनि टेवा पुग्ने आशाले फरक फरक भूगोलको जिम्मेवारी दिइएको महामन्त्री बुर्लाकोटी बताउँछन् ।

उनका अनुसार झापामा पूर्व सांसद तथा केन्द्रीय सदस्य सोबिता गौतमलाई खटाइएको छ भने दार्चुलामा रविना घिमिरे खटिएकी छिन् । यस्तै डडेल्धुरामा डा.प्रणय शमशेर राणालाई जिम्मेवारी दिएको छ, राणा गत निर्वाचनमा काठमाडौँ ५ बाट उम्मेदवार बनेका थिए । रोल्पामा केन्द्रीय सदस्य क्रान्तिशिखा धिताल, इलाममा निशा डाँगीलाई जिम्मेवारी दिएको छ भने रुकुममा लक्ष्मि तिवारी खटिनेछिन् । यस्तै काभ्रेमा शङ्कर श्रेष्ठ,कालिकोटमा पवनराज देवकोटा खटिएका छन् ।

रास्वपाले जिल्लामा खटाएका प्रतिनिधि: जिल्ला र प्रतिनिधि

झापा: सोविता गौतम

डडेल्धुरा: डा.प्रणय शमशेर राणा

काभेपलाञ्चोकः शङ्कर श्रेष्ठ

इलामः निशा डाँगी

बाँकेः असिम शाह

मकवानपुरः रामकृष्ण भट्टराई

ताप्लेजुडः टीका संग्रौला ९ज्वाला

ललितपुरः गणेश कार्की

रुकुम पूर्वः लक्ष्मी तिवारी

रोल्पाः कान्तिशिखा धिताल

पौंचथरः ओमनाथ भण्डारी