मुख्य समाचार

नक्कली नोटसहित काठमाडौँबाट ६ जना पक्राउ

सिधाकुरा

बिहीबार, पुस १७, २०८२

काठमाडौँ । नेपाली नक्कली नोटसहित काठमाडौँबाट ६ जना पक्राउ परेका छन् ।

बुधबार राती नक्कली नोटको कारोबार भइरहेको भन्ने सूचनाको आधारमा प्रहरी वृत्त बौद्ध तथा जिल्ला प्रहरी परिसर काठमाडौंबाट खटिएको प्रहरीसंयुक्त टोलीले उनीहरुलाई पक्राउ गरेको जिल्ला प्रहरी परिसर काठमाडौँले जनाएको छ ।

पक्राउ पर्नेहरुमा सिन्धुपाल्चोकको बाह्रबीसे नगरपालिका–२ घर भइ हाल काठमाडौंको शंखरापुर नगरपालिका–४ साँखु बस्दै आएका दावा नोर्वु शेर्पा र पासाङ शेर्पा, सिन्धुपाल्चोकको मेलम्ची नगरपालिका–३ घर भइ हाल काठमाडौंको शंखरापुर नगरपालिका–४ साँखु बस्ने प्रकाश गुरुङ, सिन्धुपाल्चोकको चौतारा साँगाचोकगढी नगरपालिका–१० घर भइ हाल काठमाडौँ–६ बस्ने रेणुका भारती, सिन्धुपाल्चोककै बलेफी गाउँपालिका–२ घर भइ हाल काठमाडौँ–६ बस्ने गोकर्ण थापा र काठमाडौंको शंखरापुर नगरपालिका–३ बस्दै आएका सुक बहादुर स्याङ्बो रहेको प्रहरीले जनाएको छ ।

उनीहरुलाई काठमाडौंको गोकर्णेश्वर नगरपालिका–८ अत्तरखेल चोक स्थितबाट नियन्त्रणमा लिई चेकजाँच गर्दा एक हजार दरका त्रियानब्बे थान नक्कली नोट फेला परेको र उनीहरुमाथि थप अनुसन्धान भइरहेको प्रहरीले जनाएको छ।

प्रकाशित मिति: बिहीबार, पुस १७, २०८२

प्रतिक्रिया दिनुहोस्