सबै कुरा

७२ घण्टादेखि अनसनरत डा गोविन्द केसीले तोडे अनसन

सिधाकुरा

सोमबार, पुस २, २०८०

७२ घण्टादेखि अनसनरत डा गोविन्द केसीले तोडे अनसन

विगतमा भएका सहमतिलाई सरकारले कार्यान्वयन नगरेको भन्दै ७२ घण्टादेखि अनसनरत डा गोविन्द केसीले अनसन तोडेका छन् ।

Watch On

गत शुक्रबार धनगडीमा अनसन सुरु गरेका केसीले धनगढी उपमहानगरपालिका–७ कि रेनुका चौधरी र धनगढी–१ कि अञ्जली नेपालीको हातबाट जुस पिएर अनसन तोडेका हुन् । उनको स्वास्थ्यमा समस्या देखिएका कारण उनलाई सेती प्रादेशिक अस्पतालमा भर्ना गर्ने तयारी गरिएको छ ।

चिकित्सा शिक्षा सुधारका निम्ति आफूसँग सरकारले विभिन्न चरणमा गरेका सहमति पालना नगरेपछि आफूले तीन दिने अनसनमा बसेको डा केसीले बताएका थिए ।

उनले विगतमा भएका सम्झौता, सबै सरकारी अस्पतालमा निशुल्क पाइने औषधीहरुको पर्याप्तता, सरकारी अस्पतालमा दरबन्दीका विषयमा सरकारले आफूसँग झुटको खेती गरेको बताउँदै आएका छन् ।

त्यस्तै उनले गेटामा शीघ्र स्वास्थ्य विज्ञान प्रतिष्ठान संचालनमा ल्याउने, चिकित्सा शिक्षा ऐनमा उल्लेख भए अनुसार सबै प्रदेशमा कम्तीमा एउटा सरकारी मेडिकल कलेज पुर्‍याउने, जनसंख्या र भौगोलिक अवस्थितिअनुसार यस अगाडि सम्झौता भए बमोजिम इलाम, उदयपुर, डडेलधुरारामा सरकारी मेडिकल कलेजहरु खोल्ने विषयमा पनि सरकारले लचकता नदेखाएको आरोप लगाउँदै आएका छन् ।

प्रकाशित मिति: सोमबार, पुस २, २०८०

प्रतिक्रिया दिनुहोस्