जेन-जीसँग भएका सम्झौता कार्यान्वयन गर्न रास्वपा सांसद लामाको माग

काठमाडौँ । रास्वपा सांसद डा‍.राम लामाले जेन-जीसँग सरकारले गरेका सम्झौता कार्यान्वयन गर्न माग गरेका छन् । 

Watch On

बुधवारको प्रतिनिधिसभा बैठकमा बोल्दै रास्वपा सांसद डा‍.लामाले जेन–जी आन्दोलनका प्रतिनिधि र नेपाल सरकारबिच २०८२ मङ्सिर २४ गते भएको सम्झौता स्मरण गराउँदै हुबहु कार्यान्वयन गर्न माग गरेका हुन् । 
सांसद डा‍.लामाले भने:

'भाद्र २३ र २४ गते भएको जेन–जी आन्दोलनका प्रतिनिधि र नेपाल सरकारबिच मिति २०८२ साल मङ्सिर २४ गते भएको सम्झौतामा यस सम्मानित सदनमार्फत पुनः स्मरण गराउन चाहन्छु—

एक, शहीद र घाइतेको त्याग र बलिदानलाई सम्मान, न्याय तथा अर्थपूर्ण स्मरणसहितको परिपूरण।

दुई, भाद्र २३–२४ को घटनाको स्वतन्त्र अनुसन्धान, अभियोजन र पुनरावृत्ति हुन नदिन आवश्यक संस्थागत सुधार।

तीन, राजनीतिक तथा नीतिगत भ्रष्टाचार र सार्वजनिक संस्थाहरूको दलीय करण तथा दलीय भागबन्डाका आधारमा नियुक्ति गरिने प्रचलनको अन्त्य।

चार, स्वतन्त्र, निष्पक्ष, शान्तिपूर्ण र भयरहित निर्वाचनको सुनिश्चितता।

पाँच, नेपालको संविधानमा गर्नुपर्ने सुधार।

छ, पूर्ण समानुपातिक समावेशिता र सहभागितामूलक प्रतिनिधित्व।

सात, पारदर्शिता।

आठ, अभिव्यक्ति स्वतन्त्रता र डिजिटल स्वतन्त्रताको सुरक्षा।

नौ, जेन–जी परिषद्को गठन।

सम्माननीय सभामुख महोदय, यी बुँदाहरू हुबहु कार्यान्वयन गर्न म नेपाल सरकारसँग जोडदार माग गर्दछु।

धन्यवाद।"